Musavat.com xəbər verir ki, 2 oktyabr tarixində keçirilən iclasda Ermənistan hökuməti Almaniya ilə texniki əməkdaşlıq sazişini təsdiqləyib.

Sazişə əsasən, Almaniya İrəvana 15,6 milyon avro həcmində qrant ayıracaq. Məlumata görə, vəsait sosial, iqtisadi və infrastruktur layihələrinin inkişafına yönəldiləcək. Ermənistan hökuməti açıqlamasında bu yardımın ölkənin əsas sahələrinin modernləşdirilməsinə xidmət edəcəyini bildirib.

Qeyd edək ki, Almaniya uzun illərdir Ermənistanın əsas donor ölkələrindən biridir və bu ölkədə həm texniki, həm də humanitar layihələrə milyonlarla avro sərmayə yatırıb. 

 

Musavat.com