ABŞ-da prezident Donald Trampın qərarı siyasi qalmaqala səbəb olub. Kaliforniya ştatının qubernatoru Qəvin Nyusom, Trampın Milli Qvardiya qüvvələrini Los-Anceles şəhərinə göndərməsini “qanunsuz və əxlaqa zidd” adlandıraraq, ona qarşı məhkəmə iddiası qaldıracaqlarını bəyan edib.

Musavat.com xəbər verir ki, Qəvin Nyusom bu barədə sosial media hesabında açıqlama verib:
“Donald Tramp od üstünə benzin tökür. Ştat qubernatorunun razılığı olmadan Kaliforniya Milli Qvardiyasının səfərbər edilməsi həm qanunsuzdur, həm də əxlaqsız. Kaliforniya Trampa qarşı məhkəmə iddiası qaldıracaq,” – deyə Nyusom bildirib.

Hadisə ABŞ-da mərkəzi hakimiyyətlə ştat rəhbərlikləri arasında son dövrlərdə artan gərginliyin yeni mərhələsi kimi qiymətləndirilir. Analitiklər bu addımın həm siyasi, həm də hüquqi cəhətdən ciddi nəticələr doğuracağını proqnozlaşdırırlar.

Musavat.com