Norveç hakimiyyəti ABŞ prezidenti Donald Trampın bu il Nobel Sülh Mükafatını ala bilməyəcəyi təqdirdə qisas alacağından qorxur. Musavat.com xəbər verir ki, bunu “Financial Times” anonim məmurlara istinadən yazıb.

Qəzet qeyd edir ki, Norveç rəhbərliyi Trampın qisas almaq üçün iqtisadi təzyiq və ya diplomatiyadan istifadə edə biləcəyindən ciddi şəkildə narahatdır.

Hakimlər komitəsinin Trampı qalib seçib-seçməyəcəyi ilə bağlı şübhələr artır.

Nəşr qeyd edir ki, Oslo əlavə idxal rüsumları və ticarət əlaqələrinin kəsilməsini gözləyir. Bildirilir ki, Nobel sülh mükafatının Trampa verilməsi böyük suallar yarada bilər: axı o, Müdafiə Nazirliyinin adını Müharibə Nazirliyinə dəyişib. Bu səbəbdən Osloda mükafatın Trampa verilməyəcəyindən əmindirlər.

Qeyd edək ki, Tramp özü dəfələrlə Nobel sülh mükafatını almağa yetəcək qədər sülhpərvər işlər gördüyünü deyib. O, mükafatın ona deyil, “heç bir iş görməyən oğlana” veriləcəyini, bunun ABŞ xalqına böyük təhqir olacağını bəyan edib.

Xatırladaq ki, Nobel Sülh Mükafatının qalibləri oktyabrın 10-da açıqlanacaq.

 

Musavat.com