Ukrayna Prezidenti Volodimir Zelenski bildirib ki, ABŞ-ın sabiq lideri Donald Trampla Vatikanda keçirdiyi qısa şəxsi görüş əvvəlki rəsmi görüşdən (Ağ Evdəki görüş - red.) daha faydalı olub.

Musavat.com bu barədə xarici mediaya istinadən xəbər verir.

O, “ABC News”a açıqlamasında 15 dəqiqəlik təkbətək söhbəti “yaxşı və məhsuldar” adlandırıb.

Zelenski etiraf edib ki, Oval kabinetdə Trampla keçirilən və ictimai qalmaqalla yadda qalan görüş onun üçün çətin təcrübə olub.

Növbəti Zelenski-Tramp görüşünün iyunda Kanadada G7 sammiti çərçivəsində keçirilməsi planlaşdırılır.

Musavat.com