Onlayn ictimai-siyasi qəzet
32 ildən sonra ilk dəfə - Bakı-Ağdam sərnişin qatarı yola düşdü - VİDEO
Bu gündən "Azərbaycan Dəmir Yolları" QSC (ADY) Ağdama qatarla səfərlərə start verib.
Musavat.com xəbər verir ki, 32 ildən sonra baş tutan bu tarixi səfərdə media nümayəndələri, tanınmış simalar, ekspertlər də iştirak edirlər. Qatar Bakıdan saat 07:10-da yola düşüb, Ağdama 11:53-də çatacaq.
Ağdam əsilli deputat Aqil Abbas, Qarabağ veteranı, şəhid atası Hacı Əkbər Rüstəmov Musavat.com-a səfər təəssüratlarını bölüşüblər.
Musavat.com həmin görüntələri təqdim edir.
Qeyd edək ki, mediatur çərçivəsində Ağdam vağzalında xüsusi tədbir keçiriləcək və konsert proqramı təşkil olunacaq. "Azərbaycan Dəmir Yolları" QSC (ADY) sərnişinlərə İsveçrənin "Stadler" şirkətinin istehsalı olan "FLIRT" markalı müasir qatarlarla xidmət göstərəcək.
Hərəkət cədvəlinə əsasən, qatar şənbə günləri Bakıdan saat 07:10-da yola düşəcək, Ağdama 11:53-də çatacaq. Ağdamdan saat 18:20-də çıxan qatar isə saat 22:55-də Bakı Dəmiryol Vağzalında olacaq.
Sərnişinlər marşrut üzrə Bakı, Biləcəri, Ucar, Ləki, Yevlax, Bərdə, Köçərli, Təzəkənd və Ağdam stansiyalarından istifadə edə biləcəklər.
Sərnişinlərə standart, standart+, biznes və birinci siniflər üzrə səyahət imkanları təklif olunacaq. Bakıdan Bərdə və Köçərli stansiyasına, Təzəkənd dayanacağına biletlərin minimum qiyməti 12 manat, Ağdam Dəmir Yolu və Avtovağzal Kompleksinə isə 12,80 manat təşkil edir.
Səfər zamanı qatarda ödənişsiz "Wi-Fi" xidmətindən yararlanmaq mümkün olacaq.
İşğaldan azad edilmiş ərazilərə qatarla komfortlu səfərlərin təşkili məqsədilə Bakı–Ağdam–Bakı marşrutu üzrə bilet alışı zamanı portaldan avtomatik icazə təmin olunacaq.
Qeyd edək ki, işğal dövrünə qədər Bakıdan Ağdama kimi sərnişin daşımaları Bakı–Xankəndi–Bakı marşrutu üzrə hərəkət edən yataq tipli qatarla həyata keçirilirdi. Qatarlar Bakı–Ağdam–Bakı istiqamətində sonuncu dəfə 1993-cü ildə hərəkət edib. Həmin vaxt qatarla Ağdama kimi 371 km olan məsafə 8 saat yarıma qət edilirdi.
Afaq Mirayiq,
Foto, video müəllifindir
Musavat.com
XƏBƏR LENTİ
01 Sentyabr 2025
31 Avqust 2025
ŞƏRHLƏRŞƏRH YAZ