Onlayn ictimai-siyasi qəzet
ABŞ Avropadan Türkiyə və Hindistandan neft məhsulları alışını dayandırmağı tələb edir
ABŞ Avropa İttifaqından Rusiyanın enerji resurslarından tamamilə imtina etməyi tələb edir. Musavat.com xəbər verir ki, ABŞ-ın energetika naziri Kristofer Rayt Euractiv-ə açıqlamasına əsasən buraya Rusiya xam neftindən neft məhsulları istehsal edən Türkiyə və Hindistandan tədarükün qarşısının alınması da daxildir.
ABŞ-Avropa İttifaqı ticarət razılaşmasının şərtlərindən biri Avropanın növbəti üç il ərzində hər il Amerikadan 250 milyard dollar dəyərində enerji idxal etməsidir. Bu rəqəm “qeyri-real” adlandırılsa da, Rayt bunun mümkün olduğuna inanır. O hesab edir ki, bu məbləğin üçdə ikisi Rusiya neftini alan ölkələrdən - ilk növbədə Türkiyə və Hindistandan Rusiya enerji və neft məhsullarının idxalına qadağa qoyulması hesabına ödənilə bilər.
Nəşr qeyd edir ki, “Aİ-ABŞ ticarət sazişinin məqsədlərinə nail olmaq baxımından Aİ-dən enerji idxalında Kremldən asılılığa son qoymaq üçün nəzərdə tutulan 2027-ci il üçün son tarixdən daha sürətli addımların tələb olunur”.
Rayt vurğulayıb ki, Birləşmiş Ştatlar özünü mərkəzi enerji təchizatçısı kimi görür. Və bu təkcə Aİ-yə tədarüklərə aid deyil: "Amerikanın böyük və zəngin enerji resursları bizə əvvəllər öz rəqiblərindən neft, qaz və digər texnologiyalar alan bütün dünya üzrə müttəfiqlərimiz üçün əsas enerji təchizatçısı olmağa imkan verir".
Qeyd edək ki, Türkiyə Rusiyadan böyük miqdarda neft alır. Neft Türkiyənin neft emalı zavodlarında emal olunur və sonra neft məhsulları kimi digər Aİ ölkələrinə satılır. Artıq Aİ Türkiyənin ən böyük emalçısı SOCAR-dan məhsul alışına qadağa qoyub.
Avropa Komissiyasının sədri Ursula fon der Lyayen bu yaxınlarda Rusiyadan yanacaq idxalının mərhələli şəkildə dayandırılmasını sürətləndirmək təklifini açıqlayıb. Onun bəyanatı ABŞ prezidenti Donald Trampla söhbətindən sonra verilib.
Bəzi Aİ ölkələri də Rusiyanın enerji təchizatı ilə bağlı vəziyyəti qəbuledilməz hesab edir. Xüsusilə Polşa Rusiya ordusuna ayrılan maliyyəni kəsmək və Ukraynadakı müharibəni dayandırmağa kömək etmək üçün Aİ ölkələrini 2026-cı ilin sonuna qədər Rusiya neftinin idxalını dayandırmağa çağırıb.
Musavat.com
XƏBƏR LENTİ
18 Sentyabr 2025
17 Sentyabr 2025
ŞƏRHLƏRŞƏRH YAZ