İnsanlara hürriyət, millətlərə istiqlal!

ATƏT PA Prezidenti və Komitə Sədrindən Rusiya ilə bağlı kəskin mövqe

ATƏT Parlament Assambleyasının (PA) Prezidenti Pere Joan Pons və Komitə Sədri Azay Quliyev gün birgə Bəyanat yayıblar. Musavat.com bildirir ki, Bəyanatda Rusiyanın SOCAR-a olan hücumunu qəti şəkildə pislənilib.

ATƏT PA-nın bu barədə yaydığı rəsmi açıqlama və onun qeyri-rəsmi tərcüməsi ilə aşağıda tanış olmaq olar:

https://www.oscepa.org/en/news-a-media/press-releases/2025/osce-pa-president-pons-and-committee-chair-guliyev-condemn-russian-federations-attacks-on-ukraines-critical-energy-infrastructure

ATƏT PA Prezidenti Pere Joan Pons və Komitə Sədri Azay Quliyevin 18 avqustda, Kopanhagendə yaydıqları birgə Bəyanatını təqdim edirik: “ATƏT PA-nın Prezidenti Pere Joan Pons və ATƏT PA-nın İqtisadi Məsələlər, Elm, Texnologiya və Ətraf Mühit üzrə Baş Komitəsinin Sədri Azay Quliyev Rusiya Federasiyasının Ukraynanın həyati əhəmiyyətli enerji infrastrukturuna, o cümlədən Odessa şəhərində Azərbaycan Dövlət Neft Şirkətinin (SOCAR) obyektlərinə davamlı hücumlarını qəti şəkildə pisləyirlər.

Bəyanatda xatırladılır ki, ATƏT PA-nın 2025-ci ildə Portoda keçirilmiş İllik Sessiyasında qəbul edilən Qətnamədə Ukraynanın enerji və mülki infrastrukturunun genişmiqyaslı dağıdılması pislənilmiş və enerjiyə maneəsiz çıxışın sabitlik və rifah üçün əsas şərt olduğu bir daha təsdiqlənmişdir”.

Bu qətnaməyə istinad edən Komitə Sədri Azay Quliyev vurğulayıb ki, mülki infrastrukturun məqsədli şəkildə bombalanması beynəlxalq humanitar hüququn kobud şəkildə pozulmasıdır və bu məsuliyyətsiz hücumlar insanların dözülməz əzab-əziyyətinə səbəb olur. “Enerji obyektlərinə, o cümlədən SOCAR-ın müəssisələrinə hücum təkcə mülki həyat üçün deyil, həm də bütün regionun iqtisadi və enerji sabitliyi üçün birbaşa təhtiddir”, – deyə Sədr Quliyev bildirib.

“Rusiya Federasiyasını təcavüzkar hərbi əməliyyatlarını dərhal dayandırmağa, mülki şəxslərə və həyati əhəmiyyətli infrastruktur obyektlərinə qarşı bütün qanunsuz hücumlara son qoymağa çağırıram”, – deyə Prezident Pons əlavə edib. O, sözlərini belə yekunlaşdırıb: “Davamlı atəşkəsin təmin edilməsi və vəziyyətin daha da gərginləşməsinin qarşısını almaq üçün təcili addımlar atılmalıdır.”

 

Musavat.com

ŞƏRHLƏRŞƏRH YAZ

Şərh yoxdur

ƏLAQƏLİ XƏBƏRLƏR

30.08.2025 386

Almanı bu vaxt yesəniz, faydadan çox zərəri olacaq
30.08.2025 348

Azərbaycana qarşı kiberhücum kampaniyası: Hökumət və cəmiyyət hazır olmalıdır
30.08.2025 804

Hüseyn Hüseynova yüksək vəzifə verildi

XƏBƏR LENTİ

30 Avqust 2025

29 Avqust 2025

BÜTÜN XƏBƏRLƏR