Onlayn ictimai-siyasi qəzet
Danimarka Ukrayna Silahlı Qüvvələrinə Avropa Müdafiə Agentliyi vasitəsilə peyk xidməti təqdim edəcək
Danimarka hökuməti Avropa Müdafiə Agentliyi (EDA) vasitəsilə Ukrayna Silahlı Qüvvələrinə peyk xidmətləri göstərilməsi barədə qərar verib.
Musavat.com xəbər verir ki, bu barədə Danimarka Müdafiə Nazirliyi məlumat yayıb.
2023-cü ildə EDA-ya tamhüquqlu üzv olan Danimarka, Avropa müdafiə əməkdaşlığında daha fəal iştirakını davam etdirir. Qərar Ukraynanın müharibə şəraitində rabitə və məlumat toplama imkanlarını gücləndirməyə, döyüş meydanında real vaxt məlumatları təmin etməyə yönəlib.
Peyk xidmətləri vasitəsilə Ukrayna həm rabitə əlaqələrini qoruyacaq, həm də hava hücumlarına qarşı müdafiə sistemlərini effektiv koordinasiya edəcək. Bundan əlavə, bu xidmətlər mülki infrastrukturun qorunması və humanitar yardım əməliyyatlarında da önəmli rol oynayacaq.
Danimarkanın bu təşəbbüsü Avropa İttifaqının Ukraynaya texnoloji və hərbi dəstəyinin bir hissəsi olmaqla, Avropanın müdafiə qabiliyyətlərinin gücləndirilməsi strategiyasına uyğun gəlir.
XƏBƏR LENTİ
17 Iyul 2025
ŞƏRHLƏRŞƏRH YAZ