Onlayn ictimai-siyasi qəzet
Ermənistan ABŞ-a tərs cavab verdi: “Vermirik...”
Ermənistan Xarici İşlər Nazirliyi ABŞ səfirinin bölgədəki nəqliyyat kommunikasiyalarının açılması ilə bağlı irəli sürdüyü təkliflərə sərt reaksiya verib.
Musavat.com xəbər verir ki, rəsmi bəyanatda bildirilir: "Ermənistan yalnız öz yurisdiksiyası daxilində nəqliyyat əlaqələrinin blokdan çıxarılmasını müzakirə edir. Ölkə qanunvericiliyinə görə, Ermənistan torpaqları yalnız kənd təsərrüfatı məqsədilə icarəyə verilə bilər və ABŞ səfirinin təklif etdiyi format Ermənistan üçün qəbuledilməzdir".
XİN-in açıqlamasında xüsusi vurğulanır:
“Bizim mövqeyimiz prinsipialdır: nəqliyyat əlaqələrinin açılması yalnız Ermənistanın suverenliyi, ərazi bütövlüyü və milli qanunvericiliyi çərçivəsində mümkündür. ABŞ səfirinin dediyi variant — yəni digər kommersiya və ya inzibati mexanizmlər əsasında idarəetmə — Ermənistanın hüquqi bazasına uyğun gəlmir.”
Kontekst:
Bu açıqlama regionda xüsusilə Zəngəzur dəhlizi və digər tranzit layihələrinin gündəmdə olduğu bir vaxtda səslənib. ABŞ tərəfinin təklif etdiyi nəqliyyat yollarının idarəçiliyi və ya “korporativ icarə modeli” kimi yanaşmalar Ermənistan tərəfindən qəti rədd edilir.
Ermənistan XİN-in sözçüsü əlavə edib ki, “Crossroads of Peace” (Sülhün Kəsişməsi) konsepsiyası çərçivəsində yolların açılması yalnız qarşılıqlı hörmət və hüquqi təminatlar əsasında ola bilər.
Musavat.com
XƏBƏR LENTİ
15 Iyul 2025
ŞƏRHLƏRŞƏRH YAZ