Onlayn ictimai-siyasi qəzet
Həbsdə olan “qanuni oğru” Zaur Naxçıvanski barədə yeni qərar
Orenburqun Leninski Rayon Məhkəməsi Orenburq kriminalının rəhbəri, Naxçıvanski kimi tanınan Zaur Şipilov barəsində həbs-qətimkan tədbirinin müddətini uzadıb.
Musavat.com Rusiya mediasına istinadən xəbər verir ki, o, ev dustaqlığına buraxılmasını istəyib, lakin məhkəmə Zauru ən azı 3 oktyabr 2025-ci il tarixinədək həbsdə saxlayıb. Zaur məşhur kriminal avtoritet Hikmət Muxtarovla (Sabirabadlı) birgə qətlə yetirilən Bayram Talıbovun oğludur.
Xatırladaq ki, Şipilov Rusiya Federasiyası Cinayət Məcəlləsinin 210.1-ci ("Cinayət iyerarxiyasında yüksək vəzifə tutma") maddəsi ilə nəzərdə tutulmuş cinayəti törətməkdə ittiham olunur. Onun həbsi iyulun 4-də məlum olub. Daha sonra Leninski Rayon Məhkəməsi onu istintaq təcridxanasına göndərib. Müstəntiq Zaurun “qanuni oğru” olduğunu təkid edib. Naxçıvanskinin özü isə hakimin özünü “qanuni oğru” hesab edib-etməməsi ilə bağlı sualına belə cavab verib: “Bu haqda ilk dəfədir eşidirəm. Ümumiyyətlə, nədən söhbət getdiyini başa düşmürəm”.
Zaur Şipilov 1985-ci ildə Rusiyanın Orenburq şəhərində anadan olub. O, kriminal aləmdə nüfuzlu avtoritetlərdən sayılan Bayram Talıbovun oğludur. Şipilovun atası 2006-cı ilin aprelində “Sabirabadlı Hikmət” kimi tanınan Hikmət Muxtarovla birgə sui-qəsd nəticəsində qətlə yetirilib. Zaur isə həmin dövrdə 21 yaşında olub və bu illərdə Rövşən Lənkəranski tərəfindən himayə olunub. Məhz Lənkəranski onun atasının yolunu davam etdirməsində mühüm rol oynayıb.
İndi Rusiyada cəmi 12 azərbaycanlı “oğru” var, onlardan ikisi Rəşad İsmayılıov (Rəşad Gəncinski- 21 il müddətinə azadlıqdan məhrum edib) və Hacı (Hacıbaba Talıbxanlı, 18 il həbs cəzası alıb) Rusiyada uzun müddət cəza çəkirlər. Ümumiyyətlə, azərbaycanlı “qanuni oğrular” hazırda yalnız Rusiyada cəza çəkirlər. Biri azadlıqdadır, qalanları xaricdə, bəziləri axtarışdadır. Onların arasında özünü ən yaxşı hiss edən hazırda İstanbulda olan Qulinin(Nadir Səlifov) qardaşı Namikdir. Zaur Şipilov, 2013-cü ildə Türkiyədə keçirilən bir “sxodka”da Rövşən Lənkəranskinin təşəbbüsü ilə “qanuni oğru” titulu alıb və 27 yaşında artıq “Zaur Naxçıvanski” kimi tanınmağa başlayıb. 2015-ci ilin oktyabr ayında Moskvada narkotik vasitə saxlama ittihamı ilə saxlanılaraq 3 il həbs cəzası alıb, 2018-ci ildə azadlığa çıxıb.
Z.Şpilovla bərabər Vaqif Süleymanov (Vaqif Bakinski)da həbs edilib. Vaqif Bakinski iMoskvada Rusiya miqrasiya qanunlarını pozduğuna görə saxlanılıb. Onun üç ay Daxili İşlər Nazirliyinin Moskva üzrə Baş İdarəsinin əcnəbi vətəndaşlar üçün müvəqqəti saxlanma təcridxanasında qalacağı deyilirdi. Vaqif “oğru qanunları” ilə yaşayıb- heç vaxt öz ailəsi, arvadı, övladı, hətta qeyri-qanuni yaşadığı qadın da olmayıb. Bakıdakı qohumlarından ancaq qardaşı və qoca anası var. Onunla bağlı hansı qərar verildiyi bilinmir.
Maraqlıdır ki, hər iki azərbaycanlı “qanuni oğru” ölümcül xəstəliklə(xərçəng)mübarizə aparırlar.
Musavat.com
XƏBƏR LENTİ
31 Avqust 2025
ŞƏRHLƏRŞƏRH YAZ