Onlayn ictimai-siyasi qəzet
NASA və Pentaqon Maskın rəqibləri ilə görüşlərə başlayıb
ABŞ Milli Aeronavtika və Kosmik Tədqiqatlar İdarəsi(NASA) və Pentaqonun nümayəndələri İlon Maska məxsus SpaceX raket və gəmilərini başqa şirkətlərin avadanlıqları ilə əvəz etmək istəyirlər.
Musavat.com Washington Post-a istinadən xəbər verir ki, söhbət astronavtları və yükləri Beynəlxalq Kosmik Stansiyaya (BKS) çatdıran, həmçinin orbitə hərbi peykləri çıxaran raket və hava gəmilərindən gedir.
Bildirilir ki, ABŞ prezidenti Donald Tramp və İlon Mask arasında ictimai mübahisədən sonra NASA və Pentaqon nümayəndələri Maskın SpaceX şirkətinin rəqiblərinə “alternativ daşıyıcı aparatların və gəmilərin hazırlanması çağırışı ilə” müraciət ediblər. SpaceX, ABŞ kosmik agentliyi ilə müqavilə əsasında, 2020-ci ildən bəri öz Crew Dragon gəmilərində ekipajları MKS-ə çatdırır; onlar Roskosmos və NASA arasında çarpaz uçuş proqramının bir hissəsi kimi istifadə olunur. Qəzetin yazdığına görə, Pentaqon həm də “özünün çox məxfi peyklərinin orbitə çıxarılması məsələsində SpaceX şirkətindən çox asılıdır”.
Nəşrin məlumatına görə, son günlər iki qurumun nümayəndələri kosmosun inkişafı ilə məşğul olan ən azı üç Amerika şirkəti, o cümlədən Amazonun təsisçisi Ceff Bezosa məxsus Rocket Lab, Stoke Space və Blue Origin şirkətləri ilə əlaqə saxlayıblar. Bundan əlavə, NASA nümayəndələri ilə özəl aerokosmik şirkət Sierra Space-in görüşü baş tutub: “NASA və Pentaqonun narahatlıqları SpaceX-in rəqiblərinin ayaqlaşa bilməməsi, onun liderliyini şübhəsiz hala gətirməsi və hökuməti başqa seçimsiz qoyması ilə daha da artır”.
Musavat.com
XƏBƏR LENTİ
08 Iyun 2025
ŞƏRHLƏRŞƏRH YAZ