Onlayn ictimai-siyasi qəzet
Pentaqon Qrenlandiya və Panamaya qarşı güc tətbiq etmək planlarının olduğunu təsdiqləyib
ABŞ-nin müdafiə naziri Pit Heqset faktiki olaraq ölkəsinin Qrenlandiya və Panamaya qarşı hərbi güc tətbiq etmək planlarının olduğunu təsdiqləyib.
“Report” xəbər verir ki, bunu nazir Nümayəndələr Palatasının Silahlı Qüvvələr Komitəsinin dinləmələrində deyib.
“Müdafiə Nazirliyindəki işimiz hər hansı bir fövqəladə hal üçün planların olmasıdır. İstənilən fövqəladə halı əhatə edirik”, - deyə o bildirib.
Heqset ABŞ-nin hazırkı administrasiyasının siyasətinin lazım gələrsə, Qrenlandiya və Panamanı güc yolu ilə almaq olub-olmadığı ilə bağlı sualı cavablandırıb:
“Bizim planlaşdırıcılarla dolu binamız var və onlara ehtiyac olduqda tövsiyələr verməyə hazırıq. Düşünürəm ki, Amerika xalqı Pentaqonun hər hansı konkret fövqəladə vəziyyətlə bağlı planlarının olmasını istərdi. Bizim işimiz planlaşdırmadır. Mənim ifadəm ondan ibarətdir ki, Pentaqonun istənilən sayda gözlənilməz hadisələrlə bağlı planları var. Biz Qrenlandiya ilə işləmək öhdəliyimizə sadiqik və onun potensial təhlükələrdən qorunmasını təmin edirik”.
Ağ Ev rəhbəri Donald Tramp dəfələrlə Panama kanalını ABŞ-ın nəzarətinə qaytarmaq, həmçinin Qrenlandiyanı ilhaq etmək arzusunda olduğunu bildirib. O, həmçinin Kanadanın ABŞ-a qoşulmasını təklif edib.
XƏBƏR LENTİ
14 Iyun 2025
13 Iyun 2025
ŞƏRHLƏRŞƏRH YAZ