Onlayn ictimai-siyasi qəzet
Piyadanın öldüyü qəza ilə bağlı hökm - Sürücülük vəsiqəsi yox imiş
Biləsuvarda avtomobillə piyadanı vuraraq ölümünə səbəb olan sürücü hakim qarşısına çıxarılıb. İstintaq zamanı müəyyən olunub ki, sürücünün sürücülük vəsiqəsi olmayıb.
Musavat.com xəbər verir ki, hadisə Cəbrayıl rayonundan olan məcburi köçkünlər üçün inşa edilmiş 3 saylı qəsəbə ərazisində qeydə alınıb.
İmişli rayonu, Qızılkənd kənd sakini, 1998-ci il təvəllüdlü Elçin Heydarlı idarə etdiyi “Mercedes” markalı avtomobillə 1988-ci il təvəllüdlü Hörmət Nurullayevi vurub. Piyada aldığı xəsarətdən hadisə yerində ölüb.
İstintaq zamanı müəyyən edilib ki, Elçin Heydarlının sürücülük vəsiqəsi yox imiş. Elçin ifadəsində deyib ki, yolda olan zaman idarəetməni itirdiyi üçün yol kənarı ilə gedən 3 piyadadan birini vurub.
Onun sözlərinə görə, hadisə yerində piyadanın öldüyünü başa düşdüyü üçün qorxub. Buna görə də piyadanın yanında olan şəxslərdən təcili yardım çağırmasını istəyib. Özü isə polis şöbəsinə gedərək təslim olub. Baş verən hadisəyə görə peşman olan Elçin mərhumun ailəsi ilə barışdığını deyib.
Məhkəmədə hüquqi varis kimi dindirilən mərhumun qardaşı bildirib ki, təqsirləndirilən şəxsdən şikayətçi deyillər.
Məhkəmənin hökmü ilə Elçin barəsində 5 il azadlıqdan məhrumetmə cəzası təyin edilib. Elçin cəzasını məntəqə tipli cəzaçəkmə müəssisəsində çəkəcək.
İ.Muradov
Musavat.com
ƏLAQƏLİ XƏBƏRLƏR
XƏBƏR LENTİ
15 Iyul 2025
ŞƏRHLƏRŞƏRH YAZ