Onlayn ictimai-siyasi qəzet
Qaçıb canını qurtarmaq istədi, amma ABŞ onu Putinə qaytardı
Rusiyalı hərbçi Artyom Vovçenko (1992-ci il təvəllüdlü) ordudan qaçaraq Ukraynaya qarşı müharibədə iştirakdan imtina edib, lakin ABŞ-da sığınacaq ala bilməyib.
Musavat.com xarici agentliklərə istinadən xəbər verir ki, o, avqustun 27-də daha 64 rusiyalı ilə birlikdə ABŞ-dan deportasiya edilərək Rusiyaya göndərilib.
Vovçenko 19 oktyabr 2022-ci ildə Ermənistanda – Gümrüdə yerləşən hərbi hissəsini özbaşına tərk edib. Bundan dərhal sonra onun barəsində Rusiya Cinayət Məcəlləsinin 337-ci maddəsi (“hissəni özbaşına tərk etmə”) ilə cinayət işi açılıb. Maddə 5 ildən 10 ilədək azadlıqdan məhrumetmə cəzası nəzərdə tutur.
Vovçenko həmin vaxtdan axtarışa verilib və müxtəlif ölkələrdə gizlənərək yaşamağa məcbur olub.
2024-cü ilin iyulunda o, Meksika sərhədində ABŞ hakimiyyətindən siyasi sığınacaq istəyib. Lakin nə ICE, nə Ədliyyə Nazirliyi, nə də məhkəmə onun arqumentlərini qəbul edib. Onun Rusiyaya qaytarılacağı halda ölüm təhlükəsi ilə üzləşəcəyini sübut etmək mümkün olmayıb.
Mənbələrin məlumatına görə, ABŞ rəsmiləri deportasiya zamanı Vovçenkonu və digər rusiyalıları qandallara salaraq Boeing 777–200 təyyarəsi ilə Kubaya, oradan isə Qahirəyə göndəriblər. Burada onlar misirli rəsmilərə təhvil verilib və bir saat yarımdan sonra Moskvaya yola salınıblar. Vovçenko yalvararaq Rusiyaya göndərilməməsini istəsə də, o, zorla təyyarəyə mindirilib və kresloya bağlanıb.
Moskvanın Domodedovo hava limanında Vovçenkonu FSB, Daxili İşlər Nazirliyi və hərbi polis əməkdaşları qarşılayıb. O, güc tətbiq olunmaqla saxlanılıb. İndi onu 337-ci maddə ilə məhkəmə hökmü və çox güman ki, birbaşa cəbhəyə göndərilmə gözləyir – məhz qaçdığı həmin müharibəyə.
Bu, ilk hadisə deyil. İyulun 22-də ABŞ-dan Rusiyaya deportasiya edilən müxalif fəal və iş adamı Leonid Melyoxin də hava limanında dərhal həbs olunmuşdu. Məlumatlara görə, FSB və SVR bu tip deportasiyaların detalları barədə informasiyanın ictimailəşməsindən çəkinir, çünki bu, mobilizasiyadan qaçanların kütləvi qaydada geri qaytarılması planlarını poza bilər.
Musavat.com
XƏBƏR LENTİ
30 Avqust 2025
01:19 PUTİN TƏHLÜKƏSİZLİK ŞURASINDA QƏRAR VERDİ – SABAHDAN KREMLİN BÜTÜN İTLƏRİ AZƏRBAYCANA HÜRƏCƏK!
29 Avqust 2025
ŞƏRHLƏRŞƏRH YAZ