Onlayn ictimai-siyasi qəzet
Qırmızı bülletenlə axtarılan 7 nəfər ölkəyə gətirildi – Nazirdən xüsusi AÇIQLAMA
Türkiyənin daxili işlər naziri Əli Yerlikaya sosial şəbəkədəki paylaşımında qırmızı bültenlə axtarılan 7 nəfərin yaxalanaraq ölkəyə gətirildiyini bildirib.
Musavat.com xəbər verir ki, nazir bəyan edib:
“Hər zaman dediyimiz kimi, bizdən qaça bilməyəcəklər. Bu kabinet dönəmimizdə indiyədək 360 nəfər cinayətkarın ölkəmizə ekstradisiyasını təmin etmişik”.
Yerlikayanın verdiyi məlumata görə, qırmızı bültenlə beynəlxalq səviyyədə axtarılan 4 nəfər, difüzyon mesajı ilə axtarılan 1 nəfər və milli səviyyədə axtarılan 2 nəfər tutulub.
Onların adları aşağıdakı kimidir:
S.A. – “Bilişim sistemləri, bank və ya kredit qurumlarının vasitə kimi istifadə olunması ilə dələduzluq” ittihamı ilə qırmızı bültenlə axtarılırdı, Şimali Makedoniyada yaxalanıb.
G.K. – “Narkotik və ya psixotrop maddələrin qanunsuz dövriyyəsi” cinayətinə görə Almaniyada saxlanılıb.
M.Ş. – “Cinayət təşkilatına üzv olmaq və bu təşkilat çərçivəsində narkotik maddələrin ticarəti və ixracı” ilə ittiham olunurdu, Niderlandda tutulub.
A.S.A. – Eyni ittihamla Fransada ələ keçirilib.
E.B. – “Qəsdən adam öldürmə” ittihamı ilə qırmızı difüzyon mesajı əsasında Rusiyada saxlanılıb.
M.T. – “Bilişim yolu ilə dələduzluq, təhqir, hədələmə, azyaşlıya cinsi təcavüz və azadlıqdan məhrum etmə” cinayətlərinə görə milli səviyyədə axtarılırdı, Gürcüstanda yaxalanıb.
K.Ç. – “Xüsusi amillərlə qəsdən adam öldürmə” cinayətinə görə milli axtarışda idi, o da Gürcüstanda ələ keçirilib.
Əli Yerlikaya bildirib ki, bu uğurlu əməliyyatların həyata keçirilməsində əməyi olan hər kəsi təbrik edir və əlavə edib:
“Hansı bültenlə axtarılırsa axtarılsın, hansı ölkəyə qaçıb gizlənibsə gizlənsin – təşkilatlanmış cinayət qruplarının üzvlərini, narkotik tacirlərini bir-bir tutub ölkəmizə gətirəcəyik. Türk polisindən qaça bilməyəcəklər”.
Mənbə: “Anadolu” agentliyi
Musavat.com
XƏBƏR LENTİ
02 Iyun 2025
01 Iyun 2025
ŞƏRHLƏRŞƏRH YAZ