Onlayn ictimai-siyasi qəzet
Rusiya Donetskə “İsgəndər” atdı, Avropa Birliyinə HÜCUM ETDİ – Kiyevdəki binasını DAĞITDI
Avqustun 28-nə keçən gecə Rusiya ordusu Donetsk vilayətindəki Slovyansk şəhərinə raket zərbələri endirib. Hücum nəticəsində insanlar xəsarət alıb, bir otel və onlarla ev dağılıb.
Musavat.com xəbər verir ki, bu barədə "RBC-Ukrayna" Slovyansk şəhər hərbi administrasiyasının rəhbəri Vadim Lyaxa istinadən məlumat yayıb.
Lyax bildirib ki, saat təxminən 03:00 radələrində iki güclü partlayış eşidilib. Ruslar şəhəri “İsgəndər” raketləri ilə vurublar.
İlk zərbə Şevçenko küçəsindəki “Ukrayna” otelinin restoranının yay terrasında qeydə alınıb. İkinci raket isə Andreevski zolağına düşüb.
Atəş nəticəsində 35 çoxmərtəbəli bina, 2 fərdi yaşayış evi, 6 avtomobil, bir təhsil müəssisəsi və 8 infrastruktur obyekti zərər görüb. İlkin məlumata görə, 4 sakin xəsarət alıb.
Xatırladaq ki, Slovyansk avqustun 18-də də rus qoşunlarının “İsgəndər-M” raketləri ilə hücumuna məruz qalıb.
Rusiyanın Kiyevə zərbələri nəticəsində Avropa Birliyinin Ukraynadakı nümayəndəliyinin binası zədələnib.
Bu barədə Ukrayna xarici işlər naziri Andrey Sibiqa özünün X səhifəsində məlumat verib.
“Gecə hücumları zamanı Rusiya Vyana konvensiyasını birbaşa pozaraq diplomatları da hədəf aldı. AB-nin Ukraynadakı binasına ziyan dəyib. Bu hadisə təkcə AB-dən yox, dünya miqyasında qınaq tələb edir. Biz AB həmkarlarımızla həmrəy olduğumuzu bildiririk və yardım təmin etməyə hazırıq”, - Sibiqa qeyd edib.
Bu və gündəmdəki bir çox xəbərləri bu gün saat 13.00-də aparıcı Sevinc Telmanqızının təqdimatındakı “Canlı debat” verilişində izləyə bilərsiz. Müzakirədə tamaşaçılarımız da iştirak edə bilər.
XƏBƏR LENTİ
31 Avqust 2025
ŞƏRHLƏRŞƏRH YAZ