Onlayn ictimai-siyasi qəzet
Tramp Avropa İttifaqına 50 faizlik rüsum qərarını bu tarixə saxladı
Donald Tramp ABŞ-a idxal olunan Avropa mallarına 50 faizlik rüsumların tətbiqini iyulun 9-na qədər təxirə salıb.
Musavat.com xəbər verir ki, məlumatı Tramp Truth Social səhifəsində yazıb.
Tramp Avropa Komissiyasının prezidenti Ursula fon der Lyayen ilə telefon danışığından sonra deyib: “Bu gün mənə Avropa Komissiyasının sədri Ursula fon der Lyayen zəng edərək, Avropa İttifaqı ilə ticarətə 50 faiz tariflərin tətbiqi üçün 1 iyun tarixinin uzadılmasını xahiş etdi. Mən bu müddətin 9 iyul 2025-ci ilə qədər uzadılması ilə razılaşdım".
Amerika lideri əlavə edib ki, Avropa Komissiyasının rəhbəri onu Vaşinqtonla Brüssel arasında ticarət danışıqlarının tezliklə başlayacağına əmin edib.
Qeyd edək ki, iyulun 9-da Trampın daha əvvəl Avropa İttifaqından idxala tətbiq edəcəyi ilə hədələdiyi 20 faizlik tariflərin dayandırılması müddəti başa çatacaq.
Musavat.com
ŞƏRHLƏRŞƏRH YAZ