Onlayn ictimai-siyasi qəzet
Ukraynaya “zəhərli həb udmaq” təklifi
Zelenski: “ Biz hələ qalib olmamışıq, amma uduzmayacağıq da...”
Ukrayna prezidenti Volodimir Zelenski Müstəqillik Günü münasibətilə Kiyevdəki Meydandan ukraynalılara müraciət edib.
Musavat.com xəbər verir ki, Zelenski “Biz təhlükəsizlik və sülh şəraitində yaşamaq üçün kifayət qədər gücə malik Ukrayna qururuq” - deyə, bildirib.
Prezidentin sözlərinə görə, Ukrayna bütün torpağında sülhə nail ola biləcəyinə inanır: "Ukrayna buna qadirdir. Çünki Ukraynanın xarakteri var”.
Zelenski qeyd edib ki, bu gün Ukraynanın müstəqilliyi döyüş meydanında qoruyur: “Müdafiə müəssisələrində işləyir, çünki əsgərlərimizin hər şeyə malik olması, müstəqilliyin özünü qorumaq üçün hər şeyə malik olması çox vacibdir... Biz sübut edirik ki, ukraynalılar var, ukraynalılar bu torpaqda, bu meydanda olacaq, yüz ildən sonra Ukraynanın gələcək nəsillərinin bayramını qeyd edəcəklər”.
Zelenski vurğulayıb ki, Ukraynanın gələcəyinin necə olacağı ukraynalılardan asılıdır: “Dünya bunu bilir, hörmət edir, Ukraynaya hörmət edir, onu bərabərhüquqlu kimi qəbul edir... Bu gün həm ABŞ, həm də Avropa eyni fikirdədir: Ukrayna hələ qalib olmayıb, amma şübhəsiz ki, uduzmayacaq”.
“Rusiya müharibəni dayandırmaq üçün şərt kimi Ukraynadan Donbasın qalan hissəsini təhvil verməsini tələb edir. Lakin Ukrayna üçün bu ərazinin strateji və şəxsi əhəmiyyəti var”.
The New York Times( NYT) yazır. “Reuters”in xəbər verdiyi kimi, Putin Alyaska sammiti zamanı Ukraynadan Donbasdan imtina etməyi, NATO-ya üzv olmaq ambisiyalarından əl çəkməyi, bitərəf qalmağı və Qərb qoşunlarının ölkəyə buraxılmamasını tələb edib.
Haqqın.az nəşrə istinadən qeyd edir ki, ABŞ prezidenti Donald Trampın Ukraynada müharibəyə son qoymaq üçün diplomatik səylərinin nəyə gətirib çıxaracağı hələ də bəlli deyil, lakin Donbas istənilən halda istənilən danışıqların mərkəzində olacaq.
Nəşrin qeyd etdiyi kimi, Donbas müharibənin ən çox getdiyi yerdir. Hər iki tərəfdən on minlərlə əsgər həlak olub.
Keçmiş xarici işlər naziri Vadim Pristayko deyib ki, təklif olunanm şərt “zəhərli həbdir, amma Ukrayna onu udmalı olacaq, sonra isə bunu necə həzm edəcəyini görəcəyik”.
Keçmiş ukraynalı məmurlar və politoloqlar NYT-yə şərhlərdə bildiriblər ki, Zelenskinin ukraynalıları ərazilərini verməyə inandırmasının yeganə yolu ABŞ-ın dəstəklədiyi təhlükəsizlik zəmanətlərini verməkdir: “Ancaq zəmanətlər Rusiyanı gələcək hücumlardan çəkindirəcək Avropa qoşunlarından və Amerikanın hava dəstəyindən istifadə kimi möhkəm olmalıdır”.
Avropa Birliyinin Kiyevdəki keçmiş siyasi müşaviri Balazs Jarabik deyib ki, Ukrayna “Qərbin Ukraynaya təhlükəsizlik təminatları gətirəcək sülh sazişi müqabilində” ərazisini verməyə razılaşa biləcək bir nöqtəyə gəlib çıxa bilər. Donald Tramp daha əvvəl Rusiyanın Donbas müqabilində Ukraynanın şimal-şərqindəki bəzi ərazilərini, bəlkə də kiçik ərazilərini qaytara biləcəyini və bunu “yaxşı anlaşma” hesab etdiyini bildirmişdi.
Kiyevdə yerləşən analitik mərkəzinin prezidenti Maksim Skripçenko isə hesab edir ki, son üç ildə Rusiyanın regionda irəliləyişi ləng olub və indi Donbasın qalan hissəsinin verilməsi həm də Rusiyaya gələcək işğala kömək edə biləcək şəhərlərin və istehkamların təhvil verilməsi deməkdir.
Eyni zamanda, Vaşinqtonda görüş zamanı Ukrayna prezidenti Vladimir Zelenski və Avropa liderləri Donbasın Rusiyanın nəzarətinə verilməsini ABŞ-a Floridanın bir hissəsindən imtina etməsi ilə müqayisə ediblər.
Musavat.com
XƏBƏR LENTİ
30 Avqust 2025
01:19 PUTİN TƏHLÜKƏSİZLİK ŞURASINDA QƏRAR VERDİ – SABAHDAN KREMLİN BÜTÜN İTLƏRİ AZƏRBAYCANA HÜRƏCƏK!
29 Avqust 2025
ŞƏRHLƏRŞƏRH YAZ