Onlayn ictimai-siyasi qəzet
ABŞ Venesuela sahillərinə ən azı yeddi gəmi göndərir
ABŞ hərbi dəniz qüvvələri narkotik kartelləri ilə mübarizə aparmaq üçün Venesuela sahillərinə üç esmines, bir desant gəmisi, bir raket kreyseri və bir nüvə sualtı qayığı da daxil olmaqla azı yeddi gəmi göndərib.
Musavat.com xəbər verir ki, bu barədə Britaniyanın Financial Times (FT) qəzeti mənbələrə istinadən məlumat yayıb.
Onun sözlərinə görə, “Ceyson Dunham və “Graveli” adlı iki esmines artıq Venesuela sahillərindədir. Üçüncü esmines “Sampson” hazırda Panamanın cənubunda Sakit okeandadır. Başqa bir mənbəyə görə, “Jima” desant gəmisi və göyərtəsində ümumilikdə 4500-dən çox hərbçinin olduğu iki dəstək gəmisi də bölgəyə göndərilib.
Əraziyə “Nyuport Nyus” nüvə sualtı qayığı və idarə olunan raket kreyseri “Leyk Eri”nin də yerləşdirildiyi bildirilir. Qeyd olunur ki, beş gəmi “Tomaqavk” qanadlı raketləri ilə təchiz olunub.
Venesuela prezidenti Nikolas Maduro da öz növbəsində dost ölkələrin hökumətlərinə Amerika təcavüzü qarşısında respublikaya göstərdikləri həmrəylik və dəstəyə görə minnətdarlığını bildirib.
Bundan əvvəl “Nyu-York Tayms” qəzeti ABŞ prezidenti Donald Trampın gizli şəkildə Latın Amerikası narkotik kartellərinə qarşı hərbi güc tətbiq etməyə başlamaq üçün göstəriş imzaladığını yazıb.
Vaşinqton Maduronu adı Venesuela generallarının çiyin qayışlarında günəş təsviri ilə hallanan “Kartel de los Soles” adlı narkotik kartelinə mənsub olmaqda ittiham edir. ABŞ-nin baş prokuroru Pam Bondi Maduronun həbsi ilə bağlı məlumat üçün verilən mükafatın 50 milyon dollara qədər artırılacağını açıqlayıb.
Musavat.com
XƏBƏR LENTİ
29 Avqust 2025
28 Avqust 2025
ŞƏRHLƏRŞƏRH YAZ