Onlayn ictimai-siyasi qəzet
İran ballistik raket ehtiyatlarını bərpa etmək üçün hərəkətə keçib
BMT sanksiyalarının yenidən qüvvəyə minməsinə baxmayaraq, İran ballistik raket proqramını bərpa etmiş ola bilər.
Musavat.com xəbər verir ki, məlumatı CNN yayıb. Telekanal Avropa kəşfiyyat mənbələrinə istinadən bildirir ki, sentyabrın sonlarında Çindən İrana bir neçə partiya natrium perxlorat göndərilib. Bu, İranın orta mənzilli raketlərini işlədən bərk yanacağın istehsalı üçün əsas xammaldır.
Bildirilir ki, bu alışlar İranın tükənmiş raket ehtiyatlarını doldurmaq üçün "güclü səylərin" bir hissəsi ola bilər. Natrium perxlorat İrana ixracı qadağan edilmiş materiallar siyahısında yoxdur. Buna görə də, nəşrin ekspertlərinin fikrincə, bu, Çinə BMT-nin heç bir qadağasını pozmadığına inanmaq üçün əsas verə bilər.
CNN kəşfiyyat mənbələri tərəfindən Çin limanlarından İrana son natrium perxlorat göndərişlərində iştirak etdiyi müəyyən edilmiş bir neçə yük gəmisinin hərəkətini izləyib. Onların bir çoxu aprelin sonundan bəri Çin və İran arasında bir neçə dəfə hərəkət edib.
Telekanal qeyd edir ki, Çin hökumətinin bu göndərişlərdən xəbərdar olub-olmadığı bəlli deyil.
CNN-in bu əməliyyatlarla bağlı sorğusuna cavab olaraq, Çin Xarici İşlər Nazirliyinin sözçüsü bildirib ki, o, "konkret vəziyyətlə tanış olmasa da", Çin "beynəlxalq öhdəliklərinə və daxili qanunlarına uyğun olaraq ikili təyinatlı məhsullar üzərində ixrac nəzarətini ardıcıl olaraq həyata keçirir".
Musavat.com
XƏBƏR LENTİ
30 Oktyabr 2025
ŞƏRHLƏRŞƏRH YAZ