Onlayn ictimai-siyasi qəzet
İsrail hökumətində Qəzza məsələsində “parçalanma” narahatlığı
İsrailin müdafiə elitasında və nazirlər kabinetində yüksək vəzifəli məmurlar Qəzza ilə bağlı əsas məsələlərdə hakimiyyət daxilində “parçalanma hissi”ndən narahatdırlar.
Musavat.com xəbər verir ki, onlar hesab edirlər ki, qərarların qəbulundan “kənarlaşdırılırlar”. Bu barədə İsrailin N12 kanalı məlumat yayıb.
Təhlükəsizlik xidmətlərindəki mənbələr bildiriblər ki, baş nazir Benyamin Netanyahu və strateji məsələlər naziri Ron Dermer qərarları dar çevrədə qəbul edir, qalan kabineti isə “kənarda saxlayırlar”.
Kanalın həmsöhbətləri özəl söhbətlərdə qeyd ediblər:
“Baş Qərargah rəisi ilə baş nazir arasındakı, eləcə də güc strukturları ilə siyasi elita arasındakı qarşıdurmanın səbəbi təkcə Qəzzanın işğalı addımı və razılaşmanın konturları ilə bağlı fərqli baxışlarda deyil. Netanyahudan aldığımız təəssürat parçalanma hissidir. Baş nazir Qəzza məsələsində rəsmi açıqlamalardan kənara çıxan planlarını bizimlə bölüşmür”.
Yüksək vəzifəli nazirlər əlavə ediblər:
“İran məsələsində biz tam məxfilik şəraitində hərəkət edirdik. Amma Qəzza ilə bağlı Netanyahu bizi kənarda saxlayır. O və Dermer bütün dünyaya qarşıdırlar”.
Parçalanma ilə bağlı açıqlamalara əlavə olaraq, müdafiə elitası Vaşinqtonda gedən müzakirələri diqqətlə izləyir. Orada nazir Dermer Netanyahunun adından girovlarla bağlı razılaşma üzrə danışıqlar aparır, ertəsi gün isə Qəzzada olur.
Onların ciddi narahatlığı var ki, proses çox uzanır. Təhlükəsizlik xidməti mənbələri bildiriblər:
“Girovlar arasında gözləməyə vaxtı olmayanlar var. Bu, hamıya aiddir, amma biz dəqiq bilirik ki, elələri var ki, onların həyatı ilə ölümü arasında növbəti dəqiqə həlledici ola bilər”.
Musavat.com
XƏBƏR LENTİ
29 Avqust 2025
ŞƏRHLƏRŞƏRH YAZ