Onlayn ictimai-siyasi qəzet
Əraqçi Kallasa məktub göndərdi: Danışıqların bərpasına hazırıq
İranın xarici işlər naziri Abbas Əraqçi Avropa Üçlüyünün - Fransa, Almaniya və Böyük Britaniyanın Tehrana qarşı sanksiyaların bərpasını nəzərdə tutan "sürətli cavab mexanizmi"nin işə salmaları ilə əlaqədar ölkəsinin nüvə proqramı üzrə danışıqları bərpa etməyə hazır olduğunu bildirib.
Musavat.com xəbər verir ki, bu mövqe nazirin Aİ diplomatiyasının rəhbəri Kaja Kallasa məktubunda əksini tapıb.
Məktubda danışıqların “Qərbin xoş niyyət nümayiş etdirməsi şərti ilə” bərpası təklif olunur. Əraqçi "digər tərəflərin ciddilik və xoş niyyət nümayiş etdirməsi və uğur şanslarını sarsıdan hərəkətlərdən çəkinməsi şərti ilə İranın vicdanlı və balanslaşdırılmış diplomatik danışıqları bərpa etməyə hazır olduğunu bir daha təsdiqləyib".
O, həmçinin “Aİ-3” ölkələrinin mexanizmi işə salmaq üçün hüquqi səlahiyyətlərinin olmadığını xatırladıb və Tehranın bu qərara cavab olaraq tədbirlər görəcəyi ilə bağlı xəbərdarlıq edib.
Qeyd edək ki, Fransa, Almaniya və Böyük Britaniya nümayəndələri BMT Təhlükəsizlik Şurasının üzvlərinə məktub göndərərək, 2015-ci ilin Birgə Hərtərəfli Fəaliyyət Planı (JCPOA) çərçivəsində İrana qarşı dayandırılmış sanksiyaların bərpasına imkan verən “sürətli cavab mexanizmi”nin işə salınması barədə onlara bildiriş göndəriblər.
Bununla yanaşı, tərəflər yaxın 30 gün ərzində - sanksiyaların qüvvəyə minməsinə qədər İranla nüvə sazişi üzrə danışıqlara hazır olduqlarını bildiriblər. Əgər 30 gün ərzində razılaşma əldə olunmasa, BMT-nin bütün əvvəlki sanksiyaları bərpa olunacaq, bura o cümlədən İrana silah tədarükünə embarqo, yüklərin yoxlanılması və onun raket proqramına məhdudiyyətlər daxildir.
Musavat.com
XƏBƏR LENTİ
30 Avqust 2025
ŞƏRHLƏRŞƏRH YAZ