Onlayn ictimai-siyasi qəzet
İsrail Ordusundan sərt xəbərdarlıq: “Girovları azad edib HƏMAS-ı yox edəcəyik”
İsrail Müdafiə Ordusunun (İDF) Baş Qərargah rəisi Cənub Komandanlığının komandirlərinə müraciətində ordunun qarşıdakı hədəflərini açıqlayıb.
Musavat.com xəbər verir ki, bu barədə Baş Qərargah rəisi Eyal Zamir komandirlərlə söhbətində vurğulayıb.
“Biz İDF və onun komandirlərinə həvalə olunmuş milli məsuliyyətdən çıxış edərək fəaliyyətimizi davam etdirəcəyik. Ordunun döyüş qabiliyyəti, dövlətin və vətəndaşların təhlükəsizliyi, girovların qaytarılması və HƏMAS-ın məhv edilməsi bizim üzərimizdə olan məsuliyyətdir və biz bunu yerinə yetirəcəyik.
Mənim məsuliyyətim sizə və xüsusilə döyüşçülərə maksimum aydınlıq təmin etmək, fasilələr yaratmaq və layiqli dözümlülük imkanları yaratmaqdır. Biz yeni plan üzərində işləyirik, planlaşdırmanı dərinləşdirəcəyik, bütün aspektlər üzrə ən yüksək səviyyədə hazırlıq görəcəyik. Və hər zaman olduğu kimi, tapşırığı ən yaxşı şəkildə yerinə yetirəcəyik”, – Baş Qərargah rəisi bildirib.
O, həmçinin vurğulayıb ki, müharibənin gedişinə uyğun olaraq İDF girovların həyatını qorumaq, öz qüvvələrinə istirahət imkanı yaratmaq və ordunun dəyərləri ilə ruhuna uyğun şəkildə hərəkət edəcək.
Musavat.com
XƏBƏR LENTİ
09 Avqust 2025
ŞƏRHLƏRŞƏRH YAZ