Onlayn ictimai-siyasi qəzet
İsrail Tehranda Pezeşkianın da qatıldığı rəhbər toplantının yerini belə müəyyən edibmiş – ŞOK detallar
İyunda İsrail hərbçiləri bəzi İran hərbi komandirləri və nüvə alimlərinin hərəkətlərini təhlükəsizlik işçilərinin mobil telefonları vasitəsilə izləyərək məhv edə bilib. Musavat.com xəbər verir ki, bunu The New York Times (NYT) mənbələrə istinadən yazıb.
Bildirilir ki, İranın kəşfiyyat aparatı İsrailin Tehranda ölkənin yüksək vəzifəli rəsmilərinin, o cümlədən prezident Məsud Pezeşkianın qaldığı bunkerə bomba atmasından sonra “ciddi təhlükəsizlik qüsuru” aşkarlayıb. İsrail görüş yerini "ehtiyatsız istifadə" səbəbindən onları müşayiət edən cangüdənlərin telefonlarını sındıraraq və sosial şəbəkələrdə mesajlar yazmaqla məyyən edib.
Qəzet yazır ki, bundan sonra İranın ali dini lideri Ayətullah Əli Xamenei genişmiqyaslı təhlükəsizlik tədbirləri, cangüdənlərin sayının artırılması, mobil telefon və messencerlərdən, o cümlədən Meta korporasiyasına məxsus WhatsApp-dan istifadənin qadağan edilməsi barədə göstəriş verib. Qeyd olunur ki, İran hakimiyyət orqanları İsrailin bu yolla hərbi komandirlərin və alimlərin hərəkətlərini izləməsindən “çoxdan şübhələnirlər” və indi mühafizəçilər özləri ilə ancaq radio götürə bilirlər.
İsrail rəsmiləri həmçinin bildiriblər ki, 2022-ci ilin sonundan etibarən iranlı nüvə alimləri üzərində müşahidə aparılıb və onların öldürülməsi ehtimalı 2024-cü ilin oktyabrında nəzərdən keçirilməyə başlayıb. Lakin Tel-Əviv ABŞ-ın keçmiş prezidenti Co Baydenlə "toqquşmadan qaçmaq" üçün əməliyyatdan yayınıb. Eyni zamanda İsrail NYT-nin məlumatına görə, “İranın nüvə layihəsində iştirak etmiş” ona məlum olan bütün elm adamlarının sənədlərini öyrənirdi ki, onlardan hansına “sui-qəsd edilsin”.
Musavat.com
XƏBƏR LENTİ
31 Avqust 2025
ŞƏRHLƏRŞƏRH YAZ