Onlayn ictimai-siyasi qəzet
Putin Alyaskaya gedən ilk Rusiya rəhbəri olacaq
Rusiya prezidenti Vladimir Putin avqustun 15-də amerikalı həmkarı Donald Trampla görüşmək üçün Alyaskaya səfər edəcək ilk Rusiya rəhbəri olacaq.
Musavat.com xəbər verir ki, bu, ABŞ Dövlət Departamentinin məlumat bazasında yerləşdirilən məlumatdan aydın olur.
1959-cu ildə Sov.İKP MK-nın birinci katibi və SSRİ Nazirlər Sovetinin sədri Nikita Xruşşov ABŞ-a rəsmi səfər edən ilk sovet lideri olub. Demək olar ki, iki həftə davam edən səfər zamanı o, Vaşinqtonda, ABŞ prezidentinin Kemp-Devid (Merilend), Nyu-York, Los-Anceles və San-Fransiskoda (hər ikisi Kaliforniyada), həmçinin Des Moines və Ames (hər ikisi Ayova) şəhərlərindəki iqamətgahlarında olub. Ondan sonra, sovet dövründə ABŞ-a SSRİ Nazirlər Sovetinin sədri Aleksey Kosıgin (Nyu-York, 1967), 1973-cü ildə Vaşinqton və San Klemente (Kaliforniya) şəhərlərində olmuş Sov.İKP MK-nın Baş katibi Leonid Brejnev səfər edib. Mixail Qorbaçov ABŞ-a üç dəfə səfər edib: 1987-ci ildə Vaşinqtona, 1988-ci ildə Nyu-Yorka və 1990-cı ildə Vaşinqton, Kemp Devid, Minneapolis (Minnesota) və San-Fransiskoya.
Rusiyanın birinci Prezidenti Boris Yeltsin 1992-ci il yanvarın sonu - fevralın əvvəlində amerikalı həmkarı Corc Buş ilə Kemp-Deviddə görüşüb. Bundan sonra Yeltsin daha dörd dəfə ABŞ-a səfər edib: həmin ilin iyununda (Vaşinqton, Merilend və Kanzas), 1994-cü ildə (Nyu-York və Sietl Vaşinqtonda), 1995-ci ildə Nyu-York və 1997-ci ildə Kolorado.
Putin ilk dəfə 2000-ci il sentyabrın 6-7-də Nyu-Yorkda BMT Baş Assambleyasının 55-ci sessiyası çərçivəsində keçirilən BMT-yə üzv ölkələrin dövlət və hökumət başçılarının görüşündə, Minilliyin Sammitində iştirak edərkən ABŞ-a səfər edib. Bundan sonra o, sonuncu dəfə 2015-ci ildə Nyu Yorkda olmaqla daha altı dəfə ABŞ-a səfər edib. Dmitri Medvedev altı dəfə Rusiya prezidenti, bir dəfə isə baş nazir kimi ABŞ-da olub. Bu müddət ərzində o, Vaşinqton, Kemp Devid, Nyu York, Pensilvaniya, Kaliforniya və Havay adalarında olub. Putin Nyu-Yorkdan başqa, Vaşinqtonda, ABŞ prezidentinin Kemp-Deviddəki iqamətgahında, həmçinin Texas, Corciya və Men ştatlarında olub.
Musavat.com
XƏBƏR LENTİ
09 Avqust 2025
ŞƏRHLƏRŞƏRH YAZ