Onlayn ictimai-siyasi qəzet
Suriya Prezidenti İsrailə mesaj verdi: “Haqqın qələbə anı gəlib çatdı”
Musavat.com xəbər verir ki, Suriya Prezidenti Əhməd əl-Şaraa ölkəsinə qarşı İsrailin hava hücumlarının davam etdiyini bildirib.
Əhməd əl-Şaraa bu təcavüzə baxmayaraq, Suriya tərəfinin dialoqa və 1974-cü il qüvvələrin ayrılması sazişinə sadiq olduğunu vurğulayıb.
Prezident bəyan edib: “Biz Suriyanın şöhrətini, ləyaqətini və şərəfini bərpa etməkdə qətiyyətliyik. Haqqın batil üzərində qələbə anı gəlib çatdı və batil məhv oldu. Suriya dünya xalqları arasında öz haqlı yerini geri alır”.
Şaraa əlavə edib ki, Suriya xalqı uzun illər böyük əzablar yaşayıb və müharibənin dəhşətlərini yaxşı anlayır: “Məhz buna görə də biz Qəzza xalqının yanında qəti şəkildə dayanırıq”.
Yeni mərhələ mesajı
Əhməd əl-Şaraa çıxışında Suriyanın hekayəsinin hələ sona çatmadığını, “sülh, rifah və inkişaf” adlı yeni bir fəsil yazmağa davam etdiyini bildirib.
Minnətdarlıq
Suriya lideri, suriyalılara kömək edən bütün ölkələrə təşəkkürünü ifadə edib: “Xüsusilə Türkiyəyə, Qətərə, Səudiyyə Ərəbistanına, bütün ərəb və islam dövlətlərinə, eləcə də Avropa İttifaqına və ABŞ-a minnətdaram”.
Şaraa çıxışını “Allahın salamı üzərinizə olsun” sözləri ilə tamamlayıb.
Musavat.com
XƏBƏR LENTİ
25 Sentyabr 2025
02:18 Elman bəy, niyə dərman alanda vergi VERMƏLİYİK?! - Natiq Cəfərlidən Elman Nəsirova SƏRT SÖZLƏR
24 Sentyabr 2025
ŞƏRHLƏRŞƏRH YAZ