Onlayn ictimai-siyasi qəzet
Ukraynada həlak olan könüllünün iti İspaniyaya aparıldı - qeyri-adi hekayə - FOTO
Musavat.com xəbər verir ki, Ukraynada həlak olmuş ispan könüllü döyüşçü Migel Karmonanın sadiq iti – belçika ovçarkası Yosi İspaniyaya geri gətirilib.
Migel Karmona bu ilin martında könüllü olaraq Ukraynaya gedib və müdafiə qüvvələrinə qoşulub. O, özü ilə birlikdə cəmi 13 aylıq olan belçika ovçarkası Yosini də aparmışdı. İtin adını Karmonanın 10 yaşlı oğlu Beltran seçmişdi. Döyüş tapşırıqlarına aparmasa da, Yosi həmişə sahibinin yanında, hərbi bazalarda olurdu və partlayış səslərinə belə alışmışdı. Karmonanı tanıyan hər kəs onun haqqında “çox mehriban, heç kimə diş göstərməyən itdir” deyirdi.
İyun ayında 42 yaşlı Karmona ön xətdə həlak oldu. Onun sığındığı səngərə düşmən tərəfindən fuqas bombası atıldı. Bu zaman Yosi yaxınlıqdakı Slavyansk şəhərində idi və ona görə də sağ qaldı. Karmonanın cəsədini hələ də evakuasiya etmək mümkün olmayıb. Onun sabiq həyat yoldaşı oğulları Beltrana atasından yadigar qalması üçün Yosini tapmaq qərarına gəldi. O, ispan diplomatlarına, Ukrayna hərbçilərinə, ərinin silahdaşlarına və humanitar təşkilatlara müraciət etdi. İspaniyanın Ukraynadakı konsulu da itin axtarılıb tapılması və Kiyevə gətirilməsi üçün böyük səy göstərdi.
Kiyevdə könüllülərin yanında bir müddət qaldıqdan sonra Yosi İspaniyaya yola salındı. Nəhayət, Beltran atasının yadigarı ilə evdə görüşdü və it balaca sahibini tanıdı. Migel Karmonanın bədəni hələ də döyüş bölgəsindən çıxarılmasa da, onun sadiq iti Yosi indi atasız qalan oğluna ən dəyərli təsəllidir.
Musavat.com
ƏLAQƏLİ XƏBƏRLƏR
XƏBƏR LENTİ
29 Avqust 2025
ŞƏRHLƏRŞƏRH YAZ