Onlayn ictimai-siyasi qəzet
Ukraynadan DRON HÜCUMU: Rusiyanın ən böyük neft emalı zavodu fəaliyyətini DAYANDIRDI
Samara vilayətində yerləşən Kuybışev Neft Emalı Zavodu fəaliyyətini tamamilə dayandırıb.
Musavat.com xəbər verir ki, bu barədə ASTRA mənbələrinə istinadən məlumat yayılıb.
Bildirilib ki, avqustun 28-nə keçən gecə Ukrayna ordusunun pilotsuz uçuş aparatlarının (PUA) hücumu nəticəsində zavoda azı 29 dron zərbə endirib. Hücum zamanı müəssisədə azı yeddi yanğın baş verib. Hadisə nəticəsində zavodun işçilərindən biri, Nikita Starodub xəsarət alaraq xəstəxanaya yerləşdirilib.
Rusiya Fövqəladə Hallar Nazirliyindəki mənbələrin sözlərinə görə, hücum nəticəsində zavodun AVT-4 ilkin neft emalı qurğusu, maye qaz estakadası, qaz və benzin kəmərləri, AVT-5 bloku, hidrogen hasilatı və dizel yanacağı çənləri zədələnib. Nəticədə obyektin bir hissəsində dağılma və güclü yanğın qeydə alınıb.
Rusiya Müdafiə Nazirliyi isə həmin gecə bölgə üzərində 21 PUA-nı vurduğunu açıqlayıb. Lakin yerli hakimiyyət orqanları neft emalı zavoduna hücum faktını rəsmən təsdiqləməyib, yalnız yanğının qısa müddətdə söndürüldüyünü bildiriblər.
“Reuters”in məlumatına görə, 2025-ci ilin avqustunda Rusiyanın boş neft emalı gücü ayda 6,4 milyon tonla rekord həddə çatıb. Bunun 3,1 milyon tonu – yəni ümumi azalmanın 48 faizi – Ukraynanın dron hücumlarının nəticəsi olub. Beləliklə, Rusiya emal gücünün təxminən 17 faizini və ya gündə orta hesabla 1,2 milyon barelini itirib.
Musavat.com
XƏBƏR LENTİ
29 Avqust 2025
ŞƏRHLƏRŞƏRH YAZ