Onlayn ictimai-siyasi qəzet
ABŞ-da kəşfiyyat qalmaqalı: Tulsi Qabbard Rusiyada işləyən agenti açıqladı
ABŞ milli kəşfiyyat direktoru Tulsi Qabbard gizli agentin adını dərc etməklə ciddi qalmaqala səbəb olub.
Musavat.com "Qordon" kanalına istinadən xəbər verir ki, bu barədə "The Wall Street Journal" məlumat yayıb.
Söhbət Rusiyada uzun illər gizli fəaliyyət göstərmiş Mərkəzi Kəşfiyyat İdarəsinin (MKİ) əməkdaşından gedir.
Qabbard 37 vəzifəli şəxsin adının yer aldığı siyahı açıqlayıb. Onlar dövlət sirrinə çıxış hüququndan məhrum ediliblər. Siyahıya 2016-cı ildə ABŞ seçkilərinə Rusiyanın müdaxiləsi ilə bağlı qiymətləndirmələrdə iştirak etmiş və ya 2019-cu ildə prezident Donald Trampın impiçmenti ilə bağlı məktubu imzalamış şəxslər daxildir.
Siyahıda həmçinin bir MKİ əməkdaşının da adı olub.
Mənbələrin bildirdiyinə görə, Qabbard bu şəxsin məxfi missiyasından xəbərsiz olub və onun ofisi siyahını dərc etməzdən əvvəl MKİ ilə ciddi məsləhətləşmələr aparmayıb. Qabbard isə öz növbəsində hərəkətini prezident Trampın göstərişi ilə əsaslandırıb.
MKİ açıqlamasında xəbərdarlıq edib ki, agentin kimliyinin açıqlanması idarənin örtük sistemini təhlükə altına qoya, həmçinin xarici hökumətlərlə əməkdaşlığa ciddi ziyan vura bilər.
Qeyd olunur ki, adı açıqlanan agent 20 ildən artıqdır kəşfiyyat sistemində çalışır, 2014–2017-ci illərdə isə Milli Kəşfiyyat Şurasında Rusiya və Avrasiya üzrə baş ekspert olub.
Musavat.com
ƏLAQƏLİ XƏBƏRLƏR
XƏBƏR LENTİ
30 Avqust 2025
ŞƏRHLƏRŞƏRH YAZ