Onlayn ictimai-siyasi qəzet
Azərbaycanlı müğənnilərin Rusiya hava limanında saxlanılması – Əsl səbəb AÇIQLANDI!
"Yeni dəb düşüb: müğənnilərimizin Rusiya hava limanlarında saxlanılmaları haqda xəbərlər yayılır. Əslində, bu, saxlanma-zad deyil. Sadəcə Rusiya ərazisinə buraxılmadan öncə əlavə yoxlamadır".
Musavat.com bildirir ki, bu barədə hüquqşünas Əkrəm Həsənov deyib.
Hüquqşünasın sözlərinə görə, məsələ sırf Azərbaycanla da bağlı deyil.
"Ümumən Rusiyadakı faktiki hərbi vəziyyətlə bağlıdır. Mən Moskvaya iyulun 1-də, yəni bu həngamənin lap başlanğıcında getmişdim və məni də bir neçə saat buraxmadılar. Digər azərbaycanlılar kimi. Amma yalnız bizə aid deyildi. Məsələn, tacikləri də gözlətdirirdilər. Odur ki, bizim müğənnilərimiz heç bir dövləti maraq kəsb etmir ki, onları orada kimsə saxlasın", deyə hüquqşünas bildirib.
Xatırladaq ki, son günlərdə bir neçə müğənni, o cümlədən Nadir Qafarzadə, Şəbnəm Tovuzlu və digərləri Rusiya hava limanında saatlarla saxlanılmasından şikayətlənib.
Xalidə Gəray,
Musavat.com
XƏBƏR LENTİ
29 Avqust 2025
ŞƏRHLƏRŞƏRH YAZ