Onlayn ictimai-siyasi qəzet
Portuqaliya prezidenti Trampı rus agenti adlandırdı – Nevzorov: Pandoranın qutusu açıldı
Xəbər verildiyi kimi, Portuqaliya prezidenti Marselu Rebelo de Souza ABŞ prezidenti Donald Trampı “rus agenti” adlandıraraq dünya gündəminə damğa vurub. Bu sərt bəyanat bir çox ölkələrin, xüsusilə də Qərb paytaxtlarının mövqeyini öyrənmək üçün yeni testə çevrilib.
Musavat.com xəbər verir ki məşhur rus publisisti Aleksandr Nevzorov bu açıqlamaya münasibət bildirib. Onun sözlərinə görə, artıq “əsrin ən dəhşətli ehtimalı” açıq şəkildə səsləndirilib və məsələ dövlət başçısı səviyyəsində legitimləşib:
“Pandoranın qutusu açıldı. Təsadüfi bir şayiə yox, nüfuzlu ölkənin prezidentinin sözləridir. Amma qəribəlik ondadır ki, adətən daha kiçik və az əhəmiyyətli bəyanatlara yüzlərlə prezident, nazir və analitik dərhal reaksiya verir. Burada isə – tam sükut. Hamı mövzudan yan keçir. Bu, adətən ‘həqiqət şeytanı’ pəncərədən baxanda baş verir”, – deyə Nevzorov yazıb.
Publisist qeyd edib ki, Trampın özü də sonda bu ittihama cavab vermək məcburiyyətində qalacaq:
“O, Ukrayna mövzusundan ‘yorulduğunu’ desə də, bu müharibə artıq onun şəxsi bioqrafiyasının bir hissəsinə çevrilib. Həm də bu, onun insani və prezidentlik keyfiyyətləri üçün ən mühüm imtahanlardan biridir”.
Nevsorovun iddiasına görə, Rebelo de Souzanın çıxışı ilə açılan mövzu Trampın siyasi gələcəyi üçün qaçılmaz sınağa çevriləcək.
Musavat.com
ƏLAQƏLİ XƏBƏRLƏR
XƏBƏR LENTİ
30 Avqust 2025
ŞƏRHLƏRŞƏRH YAZ