Onlayn ictimai-siyasi qəzet
ABŞ Çin yaxınlığında hərbi gücü artırmağa 300 milyon dollar ayırdı
ABŞ Müdafiə Nazirliyi Hind-Sakit okean regionunda mövcudluğunu artırmaq strategiyası çərçivəsində Dəniz Piyadaları Korpusu üçün hərbi texnikanın alınmasına təxminən 300 milyon dollar dəyərində müqavilələr imzalayıb.
Musavat.com xəbər verir ki, məlumat Pentaqonun bəyanatında yer alıb.
Bəyanatda qeyd olunub ki, BAE Systems Land & Armaments LP (Michigan) əvvəllər imzalanmış müqavilə çərçivəsində 181,1 milyon dollarlıq əlavə sifariş alıb. Bu, 30 mm-lik avtomatik topla təchiz edilmiş 31 ACV-30 amfibiya döyüş maşınının çatdırılmasına aiddir.
Daha 117,9 milyon dollar Norveçin Kongsberg Defence & Aerospace şirkətinə 101 ədəd Orta Çaplı Top Qoruyucu uzaqdan idarə olunan qüllələrin alınması üçün ödəniləcək.
İyunun sonunda ABŞ prezidenti Donald Tramp ABŞ Konqresindən 2026-cı maliyyə ilində müdafiə büdcəsi üçün təxminən 1,01 trilyon dollar istəyib. O vurğulayıb ki, əvvəllər heç kim ordunun saxlanması üçün bu qədər əlavə pul ayırmayıb.
ABŞ-ın müdafiə naziri Pit Heqset bir müddət əvvəl Meksika ilə sərhədin mühafizəsini gücləndirmək və Hind-Sakit Okean regionunda mövcudluğunu artırmaq üçün Amerika hərbi kontingentinin dünya üzrə yerləşdirilmə sxemini dəyişdirmək planlarını açıqlamışdı.
Eyni zamanda məlumat verilmişdi ki, ABŞ Yaponiya və Avstraliyadan Tayvanla bağlı Çinlə münaqişə yaranacağı perspektivi üzrə dəqiq mövqe tutmağı tələb edir.
Musavat.com
XƏBƏR LENTİ
06 Avqust 2025
ŞƏRHLƏRŞƏRH YAZ