Onlayn ictimai-siyasi qəzet
ABŞ Lukaşenkodan Litvadan üzr istəməsini tələb edib
ABŞ hava şarları ilə bağlı vəziyyətə görə Belarusdan Litvadan üzr istəməsini tələb edib
Musavat.com xəbər verir ki, bunu Belarus prezidenti Aleksandr Lukaşenko Vitebsk bölgəsinə işgüzar səfəri zamanı deyi: "Sizə bir sirri açacağam: biz amerikalılarla danışıqlar aparırıq. Danışıqlar müxtəlif yollarla davam edir və gərgin gedir. Və sözün əsl mənasında, həmin şarların uçduğu gecənin ertəsi günü amerikalılar bizə mesaj göndərdilər ki, baş verənlərə görə belaruslar günahkardır və hakimiyyət orqanları və Lukaşenko dərhal Litvadan və ictimaiyyətdən üzr istəməlidirlər”.
Lukaşenko iddia edib ki, ABŞ-ın tələbini cəhənnəmə göndərib: "Dedim ki, üzr istəyəcəyik, amma yalnız günahkar olduğumuz təqdirdə. Nəyə görə üzr istəməliyəm? Amma amerikalılar bizdən üzr tələb edirlər, litvalılar da. Kim kimi idarə edir? Onlar bizimlə danışıqlar aparan amerikalılara şikayət etdilər. Amerikalılar mənə üzr istəmək üçün məktub göndərirlər. Litvalılar bizdən bunu tələb edirlər. Amerikalılar onlara əmr verdilər: "Üzr istəməyi tələb edin ki, Lukaşenko üzr istəsin"”.
Belarus prezidenti bildirib ki, hazırkı vəziyyətdə nə özünü, nə də belarusları günahkar hesab edir: "Əgər mən günahkaramsa, üzr istəməyə hazıram. Amma nə öz günahımı, nə də xalqımızın günahını görmürəm". Onun sözlərinə görə, xaricdə Belarus siqaretlərinə tələbat iqtisadi məsələsidir: "Və sonra, dürüst olaq: Polşaya siqaret göndərmək lazım gələrsə, ora bir vaqon göndərəcəyik. Və onlar bunu qəbul edəcəklər. Niyə? Çünki orada onlara tələbat var. Bu, iqtisadiyyatdır. Bundan yayınmaq mümkün deyil. Əgər orada bir məhsul bizimkindən beş və ya on dəfə bahadırsa, yeraltında tunel qazıb çatdıracaqlar. Bunu görənlər isə, əgər onlara pul ödənilirsə, susacaqlar. Onlara pul ödənilir, ona görə də susurlar. Siqaret, nüvə silahı deyil. Sual budur ki, bizi əymək üçün bir şey tapmalıdırlar".
Qeyd edək ki, 29 oktyabrda Litva qaçaqmalçıların Baltikyanı respublikaya siqaret daşımaq üçün istifadə etdiyi hava şarlarının kütləvi şəkildə sızması səbəbindən Belarusla yol sərhədini bir ay müddətinə tamamilə bağlayıb.
Musavat.com
ƏLAQƏLİ XƏBƏRLƏR
XƏBƏR LENTİ
01 Noyabr 2025
ŞƏRHLƏRŞƏRH YAZ