Onlayn ictimai-siyasi qəzet
Bir dəfə tətbiq etmək kifayətdir – qoxunu hiss edən kimi qaçırlar
Gümüş böcəkləri əksər hallarda yemək axtarışında evlərə girir, bəzən isə biz bilmədən onları evə daşıyırıq. Qısa müddətdə çoxalaraq ciddi narahatlıq yaradan bu zərərvericilər kitabı, quru ərzağı, nişasta və şəkər tərkibli məhsulları xüsusilə sevirlər. Kimyəvi dərmanlardan istifadə bəzən nəticə vermədiyi üçün onlardan xilas olmaqda təbii üsullar köməkçi ola bilər.
Musavat.com həmin üsulları təqdim edir:
Lavanda yağı
Gümüş böcəkləri lavandanın kəskin qoxusuna dözə bilmir və dərhal məkandan uzaqlaşır. Bir parça pambığın üzərinə bir neçə damcı lavanda yağı damızdırıb dolaba və ya künclərə yerləşdirə bilərsiniz. Yağı vaxtaşırı təzələsəniz, təsiri daha uzunmüddətli olar.
Dəfnə yarpağı
Dəfnə yarpağının qoxusu gümüş böcəklərini gizləndikləri yerdən çıxarır və uzaqlaşdırır. Yarpaqları bütöv halda dolab künclərinə, kitab rəflərinin arasına və ya rütubətli yerlərə qoya bilərsiniz. Yarpaqlar quruduqca təsiri azalır, buna görə mütəmadi olaraq yeniləmək lazımdır.
Darçın tozu
Darçının xoş ətirli, amma kəskin qoxusu gümüş böcəklərinin istiqamət tapmasını çətinləşdirir və onları uzaqlaşdırır. Rütubətli künclərə bir az darçın tozu səpmək kifayətdir. Üstəlik, həm təbii qoxu yayır, həm də uzun müddət təsirini saxlayır.
Limon qabığı
Limonun turş və təravətli qoxusu gümüş böcəkləri üçün xoşagəlməz mühit yaradır. Xüsusən mətbəx və hamam künclərinə təzə limon qabığı yerləşdirə bilərsiniz. Qabıq quruduqca təsiri azalır, buna görə tez-tez dəyişmək vacibdir.
Musavat.com
XƏBƏR LENTİ
31 Avqust 2025
ŞƏRHLƏRŞƏRH YAZ