İnsanlara hürriyət, millətlərə istiqlal!

İsrail və Türkiyə RAZILIĞA GƏLDİ - Bakıdakı danışıqlarda...

İsrail və Türkiyə arasında Suriyadakı hərbi aktivliklə bağlı qarşılıqlı anlaşma əldə olunub. Razılıq bir neçə həftə əvvəl Bakıda keçirilmiş danışıqlardan sonra formalaşıb. Bu barədə israilli mənbə "Israel Hayom" nəşrinə məlumat verib.

Musavat.com xəbər verir ki, məlumata görə, tərəflər Suriyanın şimalında fəaliyyət göstərən Türkiyə Silahlı Qüvvələri ilə İsrail Müdafiə Ordusu (SAXAL) arasında mümkün hərbi toqquşmaların qarşısını almağa yönəlmiş bir sıra prinsiplər üzərində razılığa gəliblər. İsrailin əsas tələblərindən biri ölkənin cənub sərhədlərinə yaxın ərazilərin silahsızlaşdırılması ilə bağlıdır.

Bundan əlavə, “Middle East Eye” portalı yazır ki, tərəflər Suriyadakı hərbi qüvvələri arasında baş verə biləcək insidentlərin qarşısını almaq üçün birbaşa əlaqə qurmaq məqsədilə “qaynar xətt” yaradıb.

Müzakirələr Azərbaycanın vasitəçiliyi ilə davam edir. Danışıqlarla tanış mənbənin “Middle East Eye” portalına verdiyi məlumata əsasən, İsrail Türkiyənin tank və piyada bölmələri də daxil olmaqla Suriyaya hərbi qüvvə yerləşdirməsinə prinsipial şəkildə qarşı çıxmır. Lakin Təl-Əviv Ankaradan Suriyada İsrail Hərbi Hava Qüvvələrinin fəaliyyətlərini müşahidə edə biləcək hava hücumundan müdafiə sistemləri və radarların quraşdırılmaması ilə bağlı təminat istəyir.

Toğrul İSMAYIL,
Musavat.com

ŞƏRHLƏRŞƏRH YAZ

Şərh yoxdur

ƏLAQƏLİ XƏBƏRLƏR

22.05.2025 325

Tramp Ukraynanı faktiki olaraq "yarı yolda qoydu" - Financial Times
22.05.2025 539

Tramp Oval kabinetdə medianın gözü önündə daha bir prezidentlə mübahisə etdi
21.05.2025 480

Lavrov etiraf etdi: "Qərb bizə sazişi imzalamağa icazə vermədi"

XƏBƏR LENTİ

22 May 2025

21 May 2025

BÜTÜN XƏBƏRLƏR