Onlayn ictimai-siyasi qəzet
Koreyalılar arasında münaqişə: KXDR Seula qarşı iddialar qaldırıb, təhdidlər yağdırdı
Cənubi Koreya Respublikası Silahlı Qüvvələri KXDR ilə sərhəddə xəbərdarlıq atəşi açıb.
Musavat.com xarici agentliklərə istinadən xəbər verir ki, buna səbəb sərhəddə müdafiə qurğuları tikən KXDR hərbçilərinin demarkasiya xəttini bir neçə dəfə keçməsi olub.
Pxenyan isə bu hadisəni məqsədli təxribat kimi qiymətləndirir. Koreya Xalq Ordusunun (KPA) Baş Qərargah rəisinin müavini Ko Conq Çol bildirib ki, Cənublular 10 dəfədən çox xəbərdarlıq atəşi açıblar: “Avqustun 19-da Koreya Respublikası Ordusunun hərbi fanatikləri ciddi təxribat törədiblər: onlar cənub sərhəd xəttinin yaxınlığında daimi hasarlar tikən hərbçilərimizin hərəkətlərinə cavab olaraq 12,7 mm-lik iriçaplı pulemyotdan 10-dan çox xəbərdarlıq atəşi açıblar”. O, hadisəni ABŞ-Cənubi Koreyanın “Ulchi Freedom Shield” təlimləri ilə bağlamağa çalışıb, Seula hədə-qorxu gəlib: "Bu cür hərəkətlər böyük silahlı kontingentlərin bir-birinə qarşı durduğu cənub sərhəd bölgəsindəki vəziyyəti idarəolunmaz vəziyyətə gətirib çıxara biləcək çox narahatedici əlamətdir və ordumuz hazırkı vəziyyəti diqqətlə izləyir".
O, iddia edib ki, KXDR “cənub sərhədini bağlamaq” və ərazinin demarkasiyası üçün maneələr qurur və bu, son nəticədə “əsas gərginlik amilini aradan qaldıracaq və heç kimə təhlükə yaratmır”. General əlavə edib ki, Pxenyan ən azı iki dəfə - iyunun 25-də və iyulun 18-də “Koreya Respublikası Silahlı Qüvvələri üzərində nəzarəti əlində saxlayan” Amerika tərəfini iş barədə xəbərdar edib: "Amerika tərəfi isə bu bildirişi gərginliyi azaltmaq üçün səmimi tədbirlər kimi qəbul etdi. Buna baxmayaraq, inşaatçılarımızı qıcıqlandıran təxribatçı hərəkətlər davam edir”
Ko Conq Çol bildirib ki, sərhəddə işləyən KPA əsgərləri demək olar ki, davamlı olaraq “atəş edəcəyik” kimi təhdidedici xəbərdarlıqlarla qarşılaşmalı olurlar: “Bütün bu faktlar açıq şəkildə göstərir ki, bizimlə hərbi qarşıdurmaya can atan ABŞ və Koreya Respublikası silahlı elementlərinin iyrənc içləri heç dəyişməyib”.
O, Pxenyanın tikintiyə müdaxilə cəhdlərini təxribat hesab edəcəyini və Koreya Xalq Ordusunun qisas almaq hüququnu özündə saxladığını bildirib: "Biz bütün nəticələrə görə məsuliyyət daşımayacağıq".
Musavat.com
XƏBƏR LENTİ
25 Avqust 2025
ŞƏRHLƏRŞƏRH YAZ