Onlayn ictimai-siyasi qəzet
Kreml Zelenski–Putin görüşünü mümkünsüz sayır: “Bu məsafəni bir anda keçmək çətindir”
Rusiya prezidenti Vladimir Putinin mətbuat katibi Dmitri Peskov Ukrayna tərəfinin irəli sürdüyü liderlər səviyyəsində görüş ideyasına skeptik yanaşıb.
Musavat.com xəbər verir ki, o bildirib ki, tərəflər arasında hələ çoxlu məsələlər həll olunmayıb və prezidentlərin birbaşa görüşü yaxın perspektivdə real görünmür.
“Görüləcək işin həcmini nəzərə alsaq, bu ‘məsafəni’ bir anda tullanaraq keçmək çox çətindir,” – deyə Peskov Ukrayna tərəfinin avqustun sonuna qədər görüş təşəbbüsünü şərh edərkən bildirib.
Qeyd edək ki, bu ideya İstanbulda keçirilən danışıqlar zamanı Ukrayna nümayəndə heyəti tərəfindən irəli sürülüb. Onlar sülh prosesi çərçivəsində Putin və Zelenskinin birbaşa təmasda olmasının vacib olduğunu vurğulamışdılar.
Lakin Kremlin cavabı göstərir ki, Moskva bu cür görüşü hələlik erkən və real hesab etmir. Bu isə danışıqlar prosesinin hələ uzun və mürəkkəb bir mərhələdə olduğunu ortaya qoyur.
Musavat.com
XƏBƏR LENTİ
25 Iyul 2025
ŞƏRHLƏRŞƏRH YAZ