Onlayn ictimai-siyasi qəzet
Macarıstan parlamentindən İLGİNC QƏRAR
Macarıstan parlamenti ölkənin Beynəlxalq Cinayət Məhkəməsindən (ICC) çıxması prosesinə başlayacaq qanunu qəbul edib.
Musavat.com xəbər verir ki, məlumatı "Bloomberg" yayıb.
Agentlik yazır ki, parlamentdə səsvermə keçən ay Macarıstanın baş naziri Viktor Orbanın İsrailin baş naziri Benyamin Netanyahunu Budapeştdə qəbul etməsi ilə başlayan prosesdə növbəti addım idi.
Aprel ayında Orban ICC-nin İsrail lideri haqqında həbs qərarına məhəl qoymadı və məhkəməni siyasiləşmiş qurum adlandırdı.
"Bloomberg" qeyd edir ki, eyni zamanda, Macarıstan daha əvvəl təşkilatın təsis nizamnaməsini imzalamışdı, yəni Netanyahunu gələn kimi saxlamağa borclu idi.
Aprelin əvvəlində Macarıstan baş nazirinin sözçüsü Macarıstanın BCM-dən çıxmaq prosesinə başlamaq qərarına gəldiyini açıqlamışdı.
Macarıstanın xarici işlər naziri Peter Siyartonun sözlərinə görə, bütün çıxış proseduru bir il çəkəcək.
2024-cü ilin noyabrında Beynəlxalq Cinayət Məhkəməsi Netanyahu və o vaxtkı müdafiə naziri Yoav Qalantın Qəzza zolağındakı münaqişə ilə əlaqədar həbsinə order verib.
Musavat.com
ŞƏRHLƏRŞƏRH YAZ