Onlayn ictimai-siyasi qəzet
NATO-dan Kiyevə yarımçıq dəvət – Şura toplantısı ləğv edildi
Ukraynanın NATO ilə əlaqələrində diqqətçəkən gəlişmə yaşanıb.
Musavat.com xəbər verir ki, NATO baş katibi Yens Stoltenberq Ukraynanı yaxın günlərdə Haaqada keçiriləcək sammitə dəvət etdiyini açıqlayıb. Lakin buna baxmayaraq, sammit çərçivəsində NATO–Ukrayna Şurasının toplanmayacağı bildirilib.
Bu, Ukrayna tərəfinin alyansdan gözlədiyi siyasi dəstəyə müəyyən məhdudiyyət qoyulduğu şəklində şərh olunur. Qərarın səbəbləri açıqlanmasa da, bu addım NATO daxilində ehtiyatlı mövqe sərgilənməsi kimi qiymətləndirilir.
Bundan əlavə, Niderlandın Baş naziri Mark Rutte də bəyan edib ki, ABŞ-ın müdafiə naziri yaxın vaxtda keçiriləcək Ukraynaya silah təchizatı üzrə təmas qrupunun toplantısında iştirak etməyəcək. Rəsmi məlumatlara əsasən, ABŞ nümayəndəsi tədbirə nə fiziki, nə də videobağlantı yolu ilə qatılmayacaq.
Xatırladaq ki, bu, Pentaqon rəhbərinin belə formatda ilk dəfə toplantıya qatılmaması ilə tarixə düşür və Vaşinqtonun Ukrayna məsələsinə münasibətində dəyişikliklər ehtimalını gündəmə gətirir.
Musavat.com
XƏBƏR LENTİ
07 Iyun 2025
ŞƏRHLƏRŞƏRH YAZ