Onlayn ictimai-siyasi qəzet
Paşinyandan ŞOK İTTİHAM: “Ter-Petrosyan və katolikos populist və dələduzdur"
Ermənistanın baş naziri Nikol Paşinyan sabiq prezident Levon Ter-Petrosyanı və bütün ermənilərin katolikosu II Qareginini “populist və dələduz” adlandırıb.
Musavat.com xəbər verir ki, bu barədə Paşinyan şəxsi Telegram kanalında paylaşım edib. Onun sözlərinə görə, Levon Ter-Petrosyan Ermənistanda seçkilərin saxtalaşdırılması ənənəsinin banisidir və bu səbəbdən katolikos Qaregin II kimi bir “populist və dələduzu” dəstəkləməsi təəccüblü deyil.
Qeyd edək ki, iyunun 7-də Ermənistanın ilk prezidenti Levon Ter-Petrosyan katolikos Qaregin II ilə görüş keçirib və ona dəstəyini ifadə edib. Görüş zamanı o, Ermənistan hakimiyyətinin 1700 illik kilsəyə qarşı “anti-konstitusion müdaxilələrini” kəskin tənqid edib.
Paşinyanın bu sərt açıqlaması ölkədə kilsə ilə hökumət arasında gərgin münasibətlərin daha da dərinləşdiyindən xəbər verir.
Musavat.com
XƏBƏR LENTİ
08 Iyun 2025
ŞƏRHLƏRŞƏRH YAZ