Onlayn ictimai-siyasi qəzet
Putin hər vasitə ilə “Tomahawk”ların Kiyevə çatmasının qarşısını almağa çalışır
Rusiya Prezidenti Vladimir Putin ABŞ-ı Ukraynaya “Tomahawk” tipli qanadlı raketlərin verilməsindən çəkindirmək üçün intensiv təzyiqlər göstərir.
Musavat.com xəbər verir ki, bu barədə ABŞ-ın Müharibəni Öyrənmə İnstitutu (ISW) yayımladığı hesabatda bildirib. Sənəddə qeyd olunur ki, Putin müxtəlif taktikalardan istifadə edir – ikili münasibətlərin pisləşəcəyi ilə hədələmək, həmçinin həmin silahların effektivliyini kiçiltmək. Məqsəd Vaşinqtonun qərarına təsir göstərmək və münaqişədə güzəştlərə nail olmaqdır.
Analitiklər xatırladır ki, eyni arqumentlər daha əvvəl də gündəmə gəlmişdi – xüsusilə Ukraynaya ATACMS raketlərinin, F-16 qırıcılarının və Abrams tanklarının verilməsi müzakirə olunanda Kreml oxşar ritorikadan istifadə edib.
ISW ekspertləri bildirirlər ki, “Tomahawk”ların Ukrayna üçün böyük strateji üstünlüyü var. Raketlərin 2,5 min km-lik modifikasiyası Rusiyanın ən azı 1 945 hərbi obyektini, 1 600 km-lik versiyası isə 1 655 obyekti vura bilər.
Musavat.com
ƏLAQƏLİ XƏBƏRLƏR
XƏBƏR LENTİ
06 Oktyabr 2025
ŞƏRHLƏRŞƏRH YAZ