Onlayn ictimai-siyasi qəzet
“Putin olsa, artıq baş kəsənlərini göndərmişdi” – The Washington Post Ukrayna etirazlarını Rusiyadakı vəziyyətlə müqayisə etdi
Musavat.com xəbər verir ki, The Washington Post nəşri Ukraynada, xüsusilə Kiyevdə və digər şəhərlərdə baş verən etiraz aksiyaları ilə bağlı analitik məqalə dərc edib. Məqalədə etirazların demokratik məkanlarda və avtoritar rejimlərdə necə fərqli qarşılandığına dair diqqətçəkici müqayisələr yer alıb.
Nəşr yazır ki, əgər bu hadisələr Rusiya Federasiyasında baş versəydi, Prezident Vladimir Putin artıq “öz baş kəsənlərini” – yəni xüsusi təyinatlı qüvvələri aksiyaları dağıtmaq və etirazçıları həbs etmək üçün göndərmiş olardı. Lakin bu Ukraynadır – burada insanlar sərbəst şəkildə etiraz etmək hüququna malikdirlər və buna görə təqib edilmirlər.
Qəzet Ukrayna Prezidenti Volodimir Zelenskinin son açıqlamasını da ön plana çıxarıb. Zelenski etirazlara münasibət bildirərkən demişdi:
“Hamı xalqın nə dediyini eşitdi. Bu, diqqətdən kənarda qalmayacaq.”
Prezident həmçinin elan edib ki, antikorrupsiya qurumlarının müstəqilliyini təmin edən qanun layihəsinin mətnini artıq təsdiqləyib və sənəd eyni gün parlamentə təqdim ediləcək.
Bununla yanaşı, The Washington Post qeyd edir ki, qanun layihəsinin detalları hələlik dəqiq məlum deyil. Lakin son hadisələrin Ukrayna demokratiyasını zəiflətmək əvəzinə, əksinə, möhkəmləndirə biləcəyi ehtimal olunur. Məqalədə vurğulanır ki, Ukraynadakı etirazların nəticələri ABŞ-dakı oxşar hallardan daha təsirli olub – çünki Tramp administrasiyası dönəmində prezidentin və onun yaxınlarının fəaliyyətini araşdıran baş inspektorlar və prokurorlar vəzifədən uzaqlaşdırılmışdı.
Musavat.com
XƏBƏR LENTİ
28 Iyul 2025
27 Iyul 2025
ŞƏRHLƏRŞƏRH YAZ