Onlayn ictimai-siyasi qəzet
Putin ŞƏT liderlərinə Ukraynaya hücumun səbəblərini izah etdi
Rusiya Prezidenti Vladimir Putin Şanxay Əməkdaşlıq Təşkilatının (ŞƏT) sammitində çıxış edərək Ukraynaya qarşı hərbi əməliyyatların səbəblərini izah edib.
Musavat.com xəbər verir ki, Putin bildirib ki, bu böhran Rusiyanın Ukraynaya hücumu nəticəsində yaranmayıb, əksinə, Qərbin dəstəyi və təşviqi ilə baş vermiş dövlət çevrilişi səbəbindən meydana çıxıb. Sonradan bəzi Ukrayna bölgələrində və əhali arasında çevrilişi qəbul etməyənlərin müqavimətini silahlı qüvvələrlə əzməyə çalışıblar.
O vurğulayıb ki, çevriliş nəticəsində Ukraynanın NATO-ya qoşulmasını dəstəkləməyən siyasi rəhbərlik aradan qaldırılıb. Eyni zamanda, Putin qeyd edib ki, Kiyevin Şimal-Atlantika Alyansına qoşulması “Rusiya üçün birbaşa təhlükə yaradır”.
Prezident çağırış edib ki, böhranın “əsas səbəbləri” aradan qaldırılsın, bu isə “təhlükəsizlik sahəsində ədalətli balansın bərpasına” və Ukraynada hərbi qarşıdurmanın uzunmüddətli və dayanıqlı həllinə şərait yaradar. Putin həmçinin bildirib ki, onun Trampla görüşündə əldə edilən razılaşmalar sülh yolunu açacaq.
Musavat.com
XƏBƏR LENTİ
01 Sentyabr 2025
ŞƏRHLƏRŞƏRH YAZ