Onlayn ictimai-siyasi qəzet
Rusiya Kiyevə raket zərbələri ENDİRDİ: Ölənlər və yaralananlar var
Rusiyanın avqustun 28-nə keçən gecə Kiyevə endirdiyi kütləvi raket zərbələri nəticəsində 4 nəfər həlak olub, 20-dən çox insan yaralanıb. Ölənlər arasında iki uşaq da var.
Musavat.com "RBC-Ukrayna"ya istinadən xəbər verir ki, bu barədə Kiyev Hərbi Administrasiyasının rəhbəri Timur Tkaçenko və Ukraynanın daxili işlər naziri İqor Klimenko məlumat yayıb.
Bildirilir ki, gecə saatlarında paytaxtda ardıcıl güclü partlayışlar baş verib. Şəhərin bir neçə rayonunda dağıntılar və yanğınlar qeydə alınıb.
İlkin məlumata görə, ölənlərdən biri 14 yaşlı qızdır. Yaralananların arasında isə azı 5 nəfərin 7–17 yaş arası uşaqlar olduğu bildirilir.
Hazırda dağıntıların olduğu ərazilərdə Dövlət Fövqəladə Hallar Xidmətinin xilasediciləri işləyir. Axtarış-xilasetmə əməliyyatları davam edir və qurbanların sayının artacağı istisna edilmir.
Hücumun fəsadları
Darnitski rayonunda 5 və 16 mərtəbəli yaşayış binaları da daxil olmaqla azı 6 obyektə ciddi ziyan dəyib.
Şevçenkivski rayonuna da ciddi ziyan dəyib. Rayonda bir neçə qeyri-yaşayış binası, ofislər və avtomobillər zərər görüb.
Qoloseyevski rayonunda hücum nəticəsində bir neçə yerdə yanğınlar baş verib, 10-dan çox evin şüşələri sınıb, avtomobillərə ziyan dəyib.
Solomenski rayonunda isə fərdi yaşayış binası dağıdılıb.
Xatırladaq ki, bu hücum Ukrayna paytaxtına son aylarda endirilən ən güclü zərbələrdən biri hesab olunur.
İqbal RZAYEV,
Musavat.com
ƏLAQƏLİ XƏBƏRLƏR
XƏBƏR LENTİ
01 Sentyabr 2025
31 Avqust 2025
ŞƏRHLƏRŞƏRH YAZ