Onlayn ictimai-siyasi qəzet
Tayvan Çinlə müharibəyə hazırlaşır: Tarixinin ən böyük hərbi təlimləri start götürdü
Musavat.com xəbər verir ki, Tayvan ordusu Çinlə mümkün genişmiqyaslı müharibə ssenarisinə hazırlaşmaq üçün “Han Kuang” adlı irimiqyaslı hərbi təlimlərə başlayıb. Bu təlimlər Tayvan tarixində ən böyük hərbi manevrlərdən biri hesab olunur.
Hazırda Tayvan ordusunun mexanikləşdirilmiş piyada bölmələri şəhər mühitində müdafiə döyüşləri və Çinin mümkün desant endirməsi ssenarisi üzərində məşqlər aparır. Əsas diqqət paytaxt Taybeyin qorunmasına, strateji ərazilərin müdafiəsinə və düşmənin şəhər daxilində irəliləməsinin qarşısının alınmasına yönəlib.
Təlimlər bütün adanı əhatə edir və mümkün qədər real döyüş şəraitinə yaxın mühitdə keçirilir. Ssenarilərə hava hücumundan müdafiə, mülki-müdafiə tədbirləri və logistik dəstək əməliyyatları da daxildir. Tayvan hərbçiləri beləliklə, Çin Xalq Azadlıq Ordusunun potensial işğal planlarını modelləşdirərək, mümkün risklərə qarşı əvvəlcədən hazırlıqlı olmaq niyyətindədirlər.
Musavat.com
ƏLAQƏLİ XƏBƏRLƏR
XƏBƏR LENTİ
16 Iyul 2025
15 Iyul 2025
ŞƏRHLƏRŞƏRH YAZ