Onlayn ictimai-siyasi qəzet
Tramp administrasiyası Rusiyaya qarşı sanksiyaları sərtləşdirməyə hazırlaşır
Musavat.com xəbər verir ki, ABŞ-ın maliyyə naziri Skott Bessent Rusiyaya qarşı yeni sanksiyaların gündəmdə olduğunu bəyan edib.
O, Fox News kanalına müsahibəsində bildirib ki, ABŞ administrasiyası bütün variantları nəzərdən keçirir:
“Bütün seçimlər masadadır. Putinin Ukraynaya qarşı ‘alçaqcasına’ davam edən bombardmanları fonunda biz sanksiyaların gücləndirilməsi imkanlarını ciddi şəkildə nəzərdən keçiririk”, – deyə Bessent vurğulayıb.
Nazirin sözlərinə görə, məqsəd Moskvanın hərbi əməliyyatlarını dayandırmaq və Rusiyanı beynəlxalq səviyyədə daha da təcrid etməkdir. ABŞ hökuməti hazırda həm enerji sektoruna, həm də maliyyə institutlarına qarşı əlavə məhdudiyyətlərin tətbiqini müzakirə edir.
Ekspertlər bildirirlər ki, Tramp administrasiyasının bu addımı Rusiya iqtisadiyyatına ağır zərbə vurmaqla yanaşı, həm də Kremlin Ukrayna üzərindəki təzyiqini azaltmağa yönəlib.
Musavat.com
XƏBƏR LENTİ
02 Sentyabr 2025
ŞƏRHLƏRŞƏRH YAZ