Onlayn ictimai-siyasi qəzet
Trampdan Avropa ilə bağlı ŞOK PROQNOZ
Avropa İttifaqı ilə ABŞ arasında Şotlandiyada prezident Donald Tramp və Avropa Komissiyasının sədri Ursula fon der Lyayen arasında keçiriləcək həlledici görüş öncəsi bahalı ticarət müharibəsinin qarşısını almağa yönəlmiş intensiv danışıqlar davam edib.
Musavat.com xarici agentliklərə istinadən xəbər verir ki, Donald Tramp həmin gecəni ailəsinə məxsus olan "Turnberry" qolf kurortunda şəxsi səfər çərçivəsində keçirib.
Buna baxmayaraq, o, Avropa liderlərini külək turbinləri və immiqrasiya siyasətinə görə tənqid etmək üçün vaxt tapıb və bildirib ki, əgər onlar özlərini ələ almasalar, Avropa mövcud olmayacaq.
"Avropaya iki şey demək istəyirəm. Külək dəyirmanlarını dayandırın. Siz ölkələrinizi məhv edirsiniz. Mən bunu tam ciddi deyirəm, bu, çox kədərli haldır. Təyyarə ilə uçursan və hər yerdə külək dəyirmanlarını görürsən – onlar sizin gözəl çəmənliklərinizi, vadilərinizi məhv edir və quşlarınızı öldürür.
İmmiqrasiyaya gəldikdə, daha yaxşı olar ki, siz bu məsələdə birlikdə hərəkət edəsiniz. Əks halda, artıq Avropa olmayacaq", - Tramp deyib.
Şənbə səhəri ABŞ prezidenti öz mətbuat heyəti ilə əvvəlcədən planlaşdırılmış görüşdən imtina edib. O, bunun əvəzinə ailəsinə məxsus sahil qolf meydançasında oynamağa üstünlük verib. Trampın idarə etdiyi qolf maşınından yüksək səslə musiqi səslənib.
Trampın dörd günlük ailəvi Şotlandiya səfəri çərçivəsində onun Avropa liderləri və Böyük Britaniyanın baş naziri Kir Starmer ilə görüşü planlaşdırılıb. Bu görüşlər Avropa İttifaqı və Böyük Britaniya ilə yeni və daha yaxşı ticarət sazişlərinin əldə olunacağına ümid yaradır.
Avropa İttifaqı ilə ticarət sazişinin perspektivləri haqqında danışan ABŞ prezidenti bildirib ki, "20 problemli məqam" var. Ondan bu problemlərin nədən ibarət olduğu soruşulduqda Tramp belə cavab verib:
"Mən sizə onların nə olduğunu demək istəmirəm”.
Musavat.com
XƏBƏR LENTİ
27 Iyul 2025
00:43 İsrail bu gecə Qəzzaya bomba yerinə ərzaq atacaq –C‑130J‑30 təyyarələri səfərbər olunub - FOTO
26 Iyul 2025
ŞƏRHLƏRŞƏRH YAZ