Onlayn ictimai-siyasi qəzet
Ukrayna Çini Rusiyaya dron istehsalında ittiham edir
Ukrayna Çini Rusiya üçün pilotsuz uçuş aparatları (PUA) və onların komponentlərini istehsal edib ötürməkdə ittiham edib.
Musavat.com xəbər verir ki, bu barədə Ukrayna Xarici Kəşfiyyat Xidmətinin sözçüsü Oleq Aleksandrov “Politico” nəşrinə açıqlamasında bildirib. Onun sözlərinə görə, Çin istehsalçıları Rusiyaya avadanlıqlar, elektronika, naviqasiya və optik sistemlər, telemetriya qurğuları, mühərriklər, mikrosxemlər, prosessor modulları, anten sistemləri və idarəetmə lövhələri tədarük edir.
Aleksandrov qeyd edib ki, bu prosesdə Çinin bəzi şirkətləri “saxta firmalar” vasitəsilə çalışır, adlarını dəyişir və ixrac nəzarətindən yayınmağa cəhd edirlər. Məqsəd beynəlxalq sanksiyalardan qaçmaqdır.
Rəsmi Pekin hələlik bu ittihamlara münasibət bildirməyib.
Musavat.com
XƏBƏR LENTİ
06 Iyun 2025
ŞƏRHLƏRŞƏRH YAZ