Onlayn ictimai-siyasi qəzet
ABŞ səfirliyinin məsul işçisi Bakıda hakim qarşısına çıxarılır – 500 min manatlıq dələduzluq ittihamı
ABŞ-ın Azərbaycandakı səfirliyinin iqtisadi şöbəsinin məsul əməkdaşı Rafik Göyüşovun barəsində cinayət işinin ibtidai istintaqı yekunlaşıb.
Musavat.com xəbər verir ki, ittihama görə, 20 ilə yaxın səfirlikdə çalışmış Rafik Göyüşov yarım milyon manatdan çox dələduzluqda ittiham olunur. O, xaricdən gələn səfirlərin və digər əməkdaşların müvəqqəti yerləşdirilməsi üçün ayrılan vəsaitlərin mənimsənilməsində ittiham olunur.
İttihamda Rafik Göyüşovun ABŞ səfirliyinin qonaqları tutulan kirayə mənzillərə görə ayrılan vəsaitlərin bir qismini mənimsədiyi göstərilir. Belə əməllər yol verilməklə yarım milyon manatdan artıq vəsaitin mənimsənildiyi iddia olunur. Rafiq Göyüşova qarşı Cinayət Məcəlləsinin 178.4-cü (dələduzluq xüsusilə külli miqdarda) maddəsi ilə ittiham irəli sürülüb. Onun barəsində polis nəzarəti növündə həbs-qətimkan tədbiri seçilib. Faktla bağlı araşdırmanı Daxili İşlər Nazirliyinin Kibercinayətkarlıqla Mübarizə Baş İdarəsi aparıb. İş üzrə ABŞ səfirliyi işdə zərərçəkmiş tərəf kimi tanınıb.
Rafik Göyüşovun vəkili İlham Əsədov Musavat.com-a bildirib ki, müvəkkili ittihamlarla razı deyil.
Günahı sübuta yetirilərsə, Rafik Göyüşovu 10 ildən 14 ilədək həbs cəzası gözləyir.
Cinayət işinin materialları baxılması üçün Bakı Ağır Cinayətlər Məhkəməsinə göndərilib. İş hakim Anar Sadıqovun icraatındadır. Hazırlıq iclası sentyabrın 3-nə təyin edilib.
E.MƏMMƏDƏLİYEV,
Musavat.com
ƏLAQƏLİ XƏBƏRLƏR
XƏBƏR LENTİ
29 Avqust 2025
ŞƏRHLƏRŞƏRH YAZ