Onlayn ictimai-siyasi qəzet
ABŞ silah nəhəngi dəniz dronlarına 50 milyon dollar investisiya yatırır
ABŞ-ın ən böyük silah istehsalçılarından olan Lockheed Martin (LMT.N) ən böyük kəşfiyyat dronlarını raketlərlə təchiz etmək üçün dəniz dron istehsalçısı Saildrone şirkətinə 50 milyon dollar sərmayə qoyur.
Musavat.com Reuters-ə istinadən xəbər verir ki, məlumat şirkətlərin birgə açıqlamasında əksini tapıb. Bildirilir ki, bu, uzun mənzilli muxtar gəmilərin güclü raketlər daşıyacağı ilk hal olacaq.
Bu plan Pentaqonun Çinin Sakit Okeanda artan dəniz gücünə qarşı çıxmağa çalışdığı, Ukraynanın Qara dənizdə Rusiya hərbi gəmilərinə qarşı partlayıcı silahlarla təchiz olunmuş dəniz dronlarından effektiv istifadəsi ilə eyni vaxta təsadüf edir
Birgə açıqlamaya görə, müqavilənin bir hissəsi olaraq, 22 metrlik (72 fut) Saildrone Surveyor külək, dizel və günəş enerjisi ilə işləyən muxtar tədqiqat və kəşfiyyat gəmisi Lockheed JAGM Quad Launcher raket sistemini və gəmi əleyhinə raketləri daşımaq üçün dəyişdiriləcək.
Lockheed-in investisiyası ilə həmçinin sualtı qayıqların aşkarlanması üçün uzun mənzilli Tomahawk raketləri və yedəkli sonar massivlərini daşıya bilən daha böyük Saildrone platformalarının dizaynını və istehsalını sürətləndirmək üçün birgə sistem inteqrasiyası qrupları yaradılacaq.
Şirkətlər 2026-cı ildə suda canlı atəş sınaqları keçirməyi planlaşdırırlar.
Musavat.com
XƏBƏR LENTİ
30 Oktyabr 2025
29 Oktyabr 2025
ŞƏRHLƏRŞƏRH YAZ